Thitsar: ည၏ မီးပွင့်များ

အေးမြနှင်းရည်

(၁)

သေမင်း၏တံခါးဝသို့ ဆိုက်ရောက်လာခဲ့သကဲ့သို့ စိတ်လှုပ်ရှား ခံစားကြရသည်။ စိတ်မ သက်သာမှု၊ ဒေါသနှင့် ခံပြင်းမှုတို့က လူတိုင်း၏ရင်ကို လောင်မြိုက်ခဲ့လေသည်။ သေမင်းတံခါး ပေါက်ဖြစ်နေသည့် ခြံစည်းရိုးအ၀င်ဝသို့ ရောက်လာသည်နှင့် အချို့လယ်သမားတို့မှာ တက် ခေါက်လိုက်ကြသည်။

“ငါတို့အပေါ် ထားတဲ့ သဘောထားက ဒါပဲလားကွ”

တက်ခေါက်အံကြိတ်လိုက်ကြသည်။ ငါတို့ဟာ တရားခံတွေမဟုတ်ဘူး။ တရားခံကို ဖေါ်ထုတ်ရမယ် ... ဟူ၍ တချို့လယ်သမားတွေက ဟစ်ကြွေးစိန်ခေါ်လိုက်ကြသည်။ တံခါးဝ အစောင့်ပုလိပ်တွေရှေ့မှာပဲ ဘာကိုမှဂရုမစိုက်တော့ပဲ စိန်ခေါ်လိုက်ကြသည်။ မျက်လုံးတွေ ပြာ သွားပြီ။ ဒေါသသွေးက ဆူပွက်လျံထလာခဲ့သည်။

သံဆူးကြိုးတွေကာရံပိတ်ဆီးထားသည့် ဘောလုံးကွင်းကို ခေတ္တစစ်ဆေးရေးစခန်းအ ဖြစ် သတ်မှတ်ထားခြင်းဖြစ်သည်။ ဤဂျိုးဖြူရွာဘောလုံးကွင်းက အဝေးပြေးကားလမ်းမဘေး တွင် ရှိနေသည့်အတွက် လူမြင်ကွင်းဖြစ်နေသည်။ ခရီးသည်ဘတ်စ်ကားများပေါ်မှ ခရီးသည် များ တဖွဲဖွဲဆင်းလာခဲ့ကာ ထိုဘောလုံးကွင်းအ၀င်ဝသို့ ဆိုက်ရောက်လာခဲ့ကြသည်။ သူတို့၏ ဇနီးများ သမီးများမှာထိုဂိတ် အ၀င်ပေါက်တွင် ငိုယိုကြသည်။

အဘကမူ ပုံမှန်လမ်းလျောက်ဝင်လာခဲ့သကဲ့သို့ သေမင်းတံခါးဝသို့ ၀င်လာခဲ့သည်။ အေးလေ။ ဒီလိုပဲဖြစ်ရတော့မှာပေါ့ဟု စိတ်တွင်ရေရွတ်သည်။ သူ့မှာ ကြိုတင်မှန်းဆထားမှုတွေ ရှိခဲ့ပြီးသား။ အရေးတော်ပုံမှာ ငါတို့တွေကျဆုံးသွားခဲ့တဲ့အတွက် ဒီလိုပဲဖြစ်ရတော့မှာပဲဟု ကြို တင်မှန်းဆထားခဲ့ပြီးသား။ ထို့ကြောင့် ရင့်ကျက်စွာပြုံးရင်း ကျားပါးစပ်ပေါက် သေမင်းတံခါးဝ သို့ ၀င်လာနိုင်ခဲ့ခြင်းဖြစ် သည်။

အဘ၏ မြေးမကလေး သင်းမြက ဟစ်ငိုလိုက်စဉ် တည်ငြိမ်သော အဘခြေလှမ်းမှာ တ ချက်တုန့်ဆိုင်းသွားသည်။

“မြေးမလေးရေ သင်းမြရေ အဘအတွက်မငိုပါနဲ့ကွယ် ... ဒီအချိန်ကာလမှာပဲ ဖြစ်လာရပဲကွဲ့” ဟူ၍ စိတ်ဖြင့် တီးတိုးပြောမိသည်။ မြေးမလေးက ဘယ်လာကြားနိုင်ပါ့မည်နည်း။

“အဘရေ ... အဘ သမီးတို့ရွာမပြန်သေးဘူး ... အပြင်ဘက်မှာ သမီးတို့မြေးအဖွား စောင့်နေမယ်နော် ... သမီးတို့ ဒီမှာရှိ နေမယ်နော် အဘ”

သင်းမြအသံက ဆို့နင့်နေသည်။ အဘရင်တွင် နင့်သွားသည်။ လယ်သမားတဦးချင်းအ စစ်ဆေးခံနေရသော နေရာသို့အဘက ဦးတည်ပြီးသွားသည်။ သူ့အလှည့်ရောက်လာမည့် အ ချိန်ကို စောင့်နေရမှာဖြစ်သဖြင့် မြေပေါ်တွင်ထိုင်ချလိုက်သည်။ မြက်ရိုင်းအညွန့် ထွက်စမြေ ကွက်။ နယုန်မိုးပြေးမြက်သားမွေးခဲ့ပြီ။ မြက်ခင်းစိမ်းနုစ မြေကွက်ပေါ်တွင်ထိုင်ချလိုက်သည်နှင့် အဘ၏ မိတ်ဆွေ လယ်သမားတချို့ အဘထဲသို့ အလျိုလျိုရောက်လာကြသည်။

“အဘရယ် ... ဖြစ်မှဖြစ်ရလေ ... အဘလဲ ဒီဘေးဒုက္ခက မလွတ်သေးပါလားဗျာ”

“ ... ... ... ... ”

“အဘကိုတွေ့ရတော့ ကျနော်တို့အားရှိတယ်ဗျာ စုစုစည်းစည်းနဲ့ဘာတွေပြောကြမယ် ... တောင်းဆိုကြမယ်ဆိုတာ အဘနဲ့ တိုင်ပင်လို့ရတာပေါ့”

တချို့က အားတက်။ တချို့ကအဘထံသို့ မျက်နှာငယ်ငယ်နှင့်ရောက်လာခဲ့ကြသည်။ ဘာလုပ်လို့ဘာကိုင်ရမှန်းမသိ။ လမ်းပျောက်နေသည်။ ဘာလုပ်လို့ဘာကိုက်ရမှန်းမသိ။ လမ်း ပျောက်နေသည်။ တကယ်က မိန်းမရွှေနားကပ်ရှိပါက ရွှေနားကပ်ကိုချွတ်ပေါင်၊ အိမ်ရှိသူက အိမ်ရောင်းပြီး တာဝန်ကျေစပါးကိုဆပ်ကြရသည်။ ဘာမှရောင်းချစရာမရှိ၊ လက်မဲ့အရင်းမဲ့ သောအခါ ဖမ်းချင်လည်း ဖမ်းကြဟေ့ဟုဆိုကာ လယ်သမားများဤနေရာသို့ ရောက်လာခဲ့ခြင်း ဖြစ်သည်။ အဘထံပါးသို့ရောက်လာသော ဦးဘိုးစောက သူခံစားရသည့် အတိုင်း ရင်ဖွင့်သော အခါ ဆန်းစစ်မှုတွေပါလာသည်။

“ပူပူနွေးနွေးပဲရှိပါသေးတယ် ... အာဏာသိမ်းပြီးခဲ့တာ ရှစ်လပဲရှိပါသေးတယ် ... ငါတို့ မင်းတို့တောင်းဆိုခဲ့တဲ့အထဲမှာ လယ်ခွန်တွေကိုငွေနဲ့ပဲပေးမယ် စပါးကတင်းနှုန်းကို ပယ်ဖျက် ပေးဖို့ငါတို့တောင်းခဲ့ကြတာပဲ ... ငွေနဲ့ပေးရတုန်းက လယ်တဧကကသုံးကျပ် စပါးနဲ့ပေးရတော့ လယ်တဧကကိုစပါးတတင်းပေးရတယ် စပါးတတင်းကိုးကျပ်နှုန်းနဲ့ပဲထား ကိုးကျပ်ပေးရတယ် ...ဒီလယ်ခွန်ပေးရတာတောင် အနဲဆုံးအဆင့်မှာ ပြင်မပေးနိုင်တော့ဘူးဆိုရင် အထွက်တိုးစပါး၊ တာဝန်ကျေစပါး ပေးရမှာကိုဘယ်လာပယ်ဖျက်ပေးပါ့မလဲကွာ ... အခုအာဏာသိမ်းတဲ့ကောင် တွေက သူတို့ဆရာကြီးနေ၀င်းလုပ်ခဲ့တဲ့အတိုင်း လယ်သမားတွေရဲ့စပါးကို သေနတ်နဲ့ဓါးပြ တိုက်ယူမှာပဲ အရေးတော်ပုံကြီးထဲမှာ လယ်သမားတွေပါဝင်တော်လှန်ခဲ့တဲ့အတွက် လယ်သ မားတွေကိုပိုပြီးဖိရမယ် ... နှိပ်ရမယ် ... ချရမယ်ဆိုပြီး ... ငါတို့ကိုအညှိုးနဲ့ချနေတာလို့ငါတော့ သိနေပြီကွ ...”

အဘအသိမိတ်ဆွေဦးဖိုးစောက တရွာထဲသားတော့မဟုတ်။ ဗမာဒိုက်အင်းရွာကဖြစ် သည်။ ကရင်ဒိုက်အင်းရွာသားစောဖိုးနီက ဦးဖိုးစောပြောသည်ကိုသဘောကျသွားပြီး ကရင်သံ ၀ဲဝဲဖြင့်

“ ဟုတ်တယ်ဗျာ မှန်လိုက်လေ” ဟု ထောက်ခံသည်။ အဘဦးစိန်က စေ့စေ့ကြည့်ကာ ပြုံးရင်း ထိုသို့ထောက်ခံတက်ကြွ နေခြင်းဖြစ်သည်။ အဘဦးစိန်က သူတို့နယ်တွင်လူသိများသည်။ ဂျပန်တော်လှန်ရေးတွင် ကွန်မြူနစ်ပါတီမြေအောက်လှုပ်ရှားမှုတွင် ပါဝင်ခဲ့သူ။ လယ်သမား ပြောက်ကျားစစ် ခေါင်းဆောင်။ နောင်သောအခါ ပြည်သူ့ရဲဘော်ဖြစ်လာသည်။ ကရင်အမျိုးသား ကြီး စောဖိုးနီက အဘဦးစန်နှင့် အတူ ကွန်မြူနစ်မြေ အောက်လှုပ်ရှားမှုတွင်ပါဝင်ခဲ့သူ။ ဂျပန် ဖက်ဆစ်ကို အတူတကွတော်လှန် မောင်းထုတ်ခဲ့သူ။

“ပြောဗျာကိုစိန် ... ခင်ဗျားသဘောထားတွေ ဘယ်လိုရှိလဲ နားထောင်ချင်တယ် အသက် ကြီးကာမှ ထောင်ကျရင်လဲကျပေါ့ ဒါပေမဲ့ ငါတို့တစ်ခုခုလုပ်ရလိမ့်မယ်”

အနိုင်ကျင့်ခံထားရသည့် မွှဲတေမဲမှောင်သောလူ့ဘ၀ကို သူတို့မလိုချင်တော့။ ထိုဘ၀မှ သူတို့ရုန်းထွက် လွတ်မြောက်လိုကြပြီ။

“ဘန့်ပွေးကုန်းရွာက ဦးစိန်ရောက်ပြီလား ဒီမှာရှိလား ... ဦးစိန်ရှိလား ဦးစိန်အလှည့် ရောက်နေပြီ ... ရုံးခန်းထဲဝင်ပါ”

မြို့နယ်စစ်ဆေးရေးအဖွဲ့၏ အစောင့်ပုလိပ်က အဘကိုလှမ်းခေါ်သည်။ ရုံးခန်းသို့အဘ ၀င်ခဲ့ရလေသည်။ ပြောလက်စ စကားကိုဖြတ်ကာ အဘထွက်လာခဲ့စဉ် အဘဘေးတွင် လယ် သမားလူငယ်နှစ်ယောက်ကပါလာခဲ့သည်။ အဘကိုတွဲခေါ်လာခဲ့ကြခြင်းဖြစ်သည်။ ခြံစည်းရိုး အပြင်ဘက်ဆီမှ မြေးမကလေးသင်းမြ၏ ရဲတင်းအားပေးအသံက အဘထံရောက်လာသည်။ သမီးတို့အားလုံးရှိနေတယ် ဘာမှ အားမငယ်နဲ့ အဘရေ ... ဆိုသော အားတင်းသံက ပဲ့တင် ထပ်သွားသည်။

ရုံးခန်းရောက်လာစဉ် ငြိမ်ပိအဖွဲ့က အဘကိုစိုက်ကြည့်သည်။ အဘိုးအိုကိုတရားခံအဖြစ် သတ်မှတ်ထားခဲ့ပြီးဖြစ်သည့်အတွက် တရားခံအဖြစ်စစ်ဆေးသည်။ လယ်သမားဆိုတာ အမိန့် နာခံ တတ်သူ။ ကြောက်တတ်သူ။ ကြောက်တတ်ရင် ၀န်ကင်းသူဆိုပြီး ခံယူထားတတ်သူတွေ။ ဘယ် အုပ်ချုပ်သူကိုမဆို ဘုရင်အဖြစ်တင်မြှောက်ထားတတ်သူတွေ။ အုပ်စိုးသူ ရေမြေ့ရှင်က အမိန့်ပေး ရင် ဦးဆွေဆံမြေ့ တာဝန်ထမ်းရွက်သူတွေ။ ကျွန်တွေ။ ဤသို့လယ်သမားကို လူ့နလဘိန်းတုံး များအဖြစ် အမြဲတမ်းသဘောထားခဲ့ကြသည်။ စစ်အုပ်ချုပ်ရေး မြို့နယ်ငြိမ်ပိ အဖွဲ့က အဘဦးစိန်ကို ထိုကဲ့သို့သဘောထားကြောင့် သူတို့အကြည့်၊ သူတို့အပြောများတွင် တွေ့ရှိနေခဲ့လေသည်။

“ဘာ့ကြောင့် တာဝန်ကျေစပါးမဆပ်တာလဲ ... နိုင်ငံတော်အစိုးရကို အကဲစမ်းတာလား ... စိန်ခေါ်တာလား ... လမ်းမတွေ ပေါ်မှာထွက်လာပြီး မင်းမဲ့စရိုက်တွေနဲ့ ပုန်ကန်ကြတာ မအောင်မြင်လို့ အစိုးရချမှတ်ထားတဲ့အမိန့်ကို ဆက်ပြီးဆန့်ကျင်တာလား ... ဟုတ်လား ဦးစိန်”

“ဆန့်ကျင်တာမဆန့်ကျင်တာက တပိုင်းဖြစ်လိမ့်မယ် ... တကယ်ပြောရမဲ့အပိုင်းက ခင် ဗျားတို့ ပိုင်ဆိုင်ထားတဲ့ လယ်ယာမြေပေါ်မှာ ဒီကနေ့ခေတ်လယ်လုပ်နေကြတဲ့ သီးစားလယ်သမား တွေဟာ နယ်ချဲ့အင်္ဂလိပ်ခေတ်က မြေပိုင်ရှင်ချစ်တီးကုလားတွေ လက်ထက်ကသီးစား လယ် သမားတွေ ကြွေးထူလို့ကြွေးမဆပ်နိုင်တဲ့ပြဿနာမျိုး၊ အဲဒီပြဿနာကိုဒီခေတ်မှာထပ်တွေ့ နေရ တယ်။ ဒီတော့တာဝန်ကျေစပါး အထွက်တိုးစပါး ဘာစပါးညာစပါးတာဝန်မကျေရင် ဘယ် ပုဒ်မ အရ ဘယ်အပြစ်ကို ကျူးလွန်တာဖြစ်တယ်ဆိုတဲ့အမိန့်ရှိရင် ခင်ဗျားတို့ဥပဒေအတိုင်း ကျနော်တို့ လယ်သမားတွေ ခံဘို့အသင့်ပဲ ... ”

အဘသည်သူ၏ ကုန်းနေသောခါးကို ရုတ်တရက်ဆန့်လိုက်သည်။ ခေါင်းကိုမော့ မေးကို မြှင့်ထားလိုက်သည်။ ရင်ကိုကော့ထားလိုက်သည်။ သူ့ကြားလက်ခ စကားကိုအသက်ပြန်သွင်း လိုက်လေသည်။

“ကျနော်တို့လယ်သမားတွေ မှတ်သားထားတာကခင်ဗျားတို့ အာဏာသိမ်းစစ်ကောင်စီ ကရွေးကောက်ပွဲ လုပ်ပေးမယ်ဆိုပြီးသေနတ်ကိုင် စစ်ဘောင်းဘီဝတ်ယောကျာ်းပီပီ ကတိပေးခဲ့ တာပဲ။ ရွေးကောက်ပွဲမှာပေါ်လာမဲ့လူထုအစိုးရက လူထုဆန္ဒလူထုဘ၀နဲ့အညီ အခြေခံဥပဒေ တွေရေးဆွဲမယ်။ အဲဒီနောက်မှာ လူထူအစိုးရကတိုင်းပြည် စီမံခန့်ခွဲသွားမယ်။ ဖိနှိပ်မှု အောက်က ကျနော်တို့ဘ၀တွေဟာ သက်သာချောင်ချိ လွတ်လပ်သွားပြီ။ ဒါပဲဖြစ်ရမယ်။ အခုဟာက လူထူ အစိုးရလဲမရှိသေးဘူး။ ပြည်သူ့အာဏာလည်း မရှိသေးဘူးမဟုတ်လား။ ဒီတော့ လယ်ရှင်နဲ့ လယ် သမားတွေကြားမှာ ညှိနှိုင်းရင်ပိုကောင်းပါလိမ့်မယ် ...။ ဘာကြောင့်ကြွေး မဆပ်နိုင်တာလည်း၊ တာဝန်ကျေစပါး မဆပ်နိုင်တာလဲဆိုတာ ကျနော်တို့လယ်သမားတွေမှာ အကြောင်းတွေ ရှိပြီး သားပဲ၊စပါးဆိုလို့အိမ်မှာနို့ဆီဘူးတစ်ဘူးတောင်မရှိဘူး။ ချစ်တီးခေတ်နယ်ချဲ့ ခေတ်ကို ပြန်မသွား စေချင်ဘူး... ကျနော်တို့လယ်သမားတွေဟာ ခေတ်အဆက်ဆက်က မြေရှင် စနစ်ကို ဆန့်ကျင် ခဲ့တာ ... မလိုလားခဲ့တာ ... လယ်သမားတွေအသိဆုံးပဲ”

“ခင်ဗျားတစ်ယောက်ထဲ ကိစ္စကိုပြောတဲ့အခါ လယ်သမားအားလုံးကို ဆွဲမထည့်ပါနဲ့ ... ခင်ဗျားကိစ္စကိုပဲ ခင်ဗျားပြော”

ထိုအခြေအနေတွင် တင်းမာလာလေသည်။ မြို့နယ်စစ်အုပ်ချုပ်ရေးအဖွဲ့ထဲက တာဝန် ရှိသူက သူ့ရှေ့ကစားပွဲခုံကို လက်သီးဖြင့်ထုကာ အဘဦးစိန်ကို ပုန်ကန်ခြားနားသူဖြစ်အောင် ခြောက်ထဲတွန်းချသည်။ အမှန်တရားကို လက်မခံနိုင်သည့်အခါ အမှန်တရားပြောသူကိုရန်သူ၊ ပုန်ကန်သူအဖြစ်သတ်မှတ်ပစ်လိုက်သည်။ စစ်အုပ်ချုပ်ရေးအဖွဲ့ခေါင်းဆောင်က အဘကိုခြိမ်း ခြောက်လေသည်။ မီးဟုန်းဟုန်းတောက်သော ကျားမျက်လုံးဖြင့် စိုက်ကြည့်သည်။ တည်ငြိမ် ရင့်ကျက်သော အပြုံးမျက်နှာဖြင့် အဘကပြုံးလျက်တုန့်ပြန်သည်။

“ဖက်ဆစ်ဂျပန်ခေတ်တုန်းက လယ်သမားတွေရဲ့ စပါးပုတ်ထဲကစပါးကို ဖက်ဆစ်က အဓမ္မယူသွားကြတယ်။ သေနတ်ဘက်နက်အောက်မှာ အဲဒီလိုဓါးမြတိုက်ယူသွားပေမဲ့ ဆန်မရှိ စပါးမရှိတဲ့ လယ်သမားတွေ လယ်ကူလီတွေကို ထောင်ထဲထဲ့ မထားခဲ့တာတော့အမှန်ပဲ ... စစ် ဒဏ်သင့်နေတဲ့ကြားထဲက စပါးစိုက်တဲ့လယ်သမားကို ဖက်ဆစ်ဂျပန်က ကျေးဇူးတောင်တင် မယ်ထင်ပါရဲ့”

“ခင်ဗျားသွားတော့၊ ထွက်သွား ... တာဝန်ကျေစပါးပေးမလား မပေးဘူးလား ဒါပဲသိ ချင်တယ်။ ဒီညမြို့နယ်အချုပ်ခန်းကို ပို့မှာဖြစ်တယ်။ သွားတော့”

အဘသည် ကြက်မွှေးလေးတချောင်းလို ပေ့ါပါးစွာထရပ်လိုက်သည်။ ဘ၀တူလယ် သမားတွေရဲ့ကိုယ်စား ပြောခဲ့ရသည်ကို ကျေးဇူးတင်ပါတယ်ဟုဆိုကာ ပြုံးရယ်မောရင်း အဘ ထွက်လာခဲ့သည်။

ရုံးခန်းထဲမှထွက်လာသော လယ်သမားအဖိုးအိုကို လယ်သမားများနှင့် ခြံစည်းရိုးအ ပြင်မှ လူထုကစောင့်ကြိုငေးမောနေကြသည်။ ဘာတွေပြောခဲ့သလဲ။ သေနတ်ကိုင်အုပ်ချုပ်ရေး ဓားပြ အဖွဲ့က ဘာတွေမေးမြန်း ချည်တုတ်ခဲ့လေမလဲ။

“အဘရေ ရုံးခန်းထဲက ဘာပြောလိုက်သလဲ ... အိမ်ပြန်ရတော့မလား အိမ်ကိုပြန် လွှတ်လိုက်ပြီလား ... ဘာပြောလိုက်သလဲ တဲ့ အဖွားက သိပ်သိချင်နေပြီ ...”

သင်းမြက ဟစ်၍ပြောသည်။ အဘကမြေးအဖွားကိုလှမ်းငေးကြည့်ပြီးနောက် သူတို့ထံ သို့လှမ်းသွားသည်။ ခြံစည်းရိုးအပြင်ဘက်ရှိမြေးအဖွားထံတိုးကပ်သွားသည်။ အဘကရယ်မော ထေ့ငေါ့ကာ ဟာသလုပ်လိုက်သည်။

“တာဝန်ကျေစပါးမပေးနိုင်တဲ့ဆင်းရဲတဲ့ သီးစားလယ်သမားတွေအတွက် မြို့နယ်အချုပ် ခန်းထဲမှာ ညီလာခံတခုကျင်းပပေးမယ်တဲ့ဟေ့ ... အဲဒီညီလာခံက ဘယ်နှစ်ရက် ဘယ်နှစ်လ ကြာမယ်မသိဘူးတဲ့ ...”

အဖွားခြုံနှင့်မြေးမကလေးသင်းမြမှာ ဘာပြောရမှန်းပင်မသိတော့။ နှုတ်ဖျားမှာ “ဟယ်” ဟူ၍ နှုတ်ဆိတ်ငြိမ်သက်သွားကြ သည်။

(၂)

မြို့နယ်စုပေါင်းရုံးစိုက်ရာ အချုပ်ခန်းတွင် အကျဉ်းခံလယ်သမားတွေဖြစ်လာခဲ့ကြသည်။

နံနက်ဆယ်နာရီခွဲဆိုလျင် ထမင်းချိုင့်နှင့်ထမင်းထုတ်များရောက်လာကြသည်။ အချုပ်ခန်းထဲ ရောက်နေခဲ့ကြသည့် လယ်သမားတွေကို အိမ်မှထမင်းထုတ်လာပို့ကြခြင်းဖြစ်သည်။ လှည်းကြုံ နှင့်တမျိုး၊ ခြေလျင်တသွယ်၊ ကားနှင့်ရထားနှင့်တဖုံလာပို့ကြရသည်။

တိုင်းပြည်အတွက် ဆန်စပါးရိက္ခာသီးနှံထုတ်လုပ်ပေးသည့် ကျေးဇူးရှင်လယ်သမားကို ထမင်းတနပ်ပြန်ကျွေးဖို့ပင် စိတ်ကူးမရှိတော့။ အဖွားခြုံနှင့်သင်းမြတို့မှာ အခြားလယ်သမား မိသားစုများနည်းတူ မနက်ဆယ်နာရီခွဲပြီဆိုလျင် အချုပ်ခန်းသို့ရောက်လာခဲ့ကြ သည်။

အချုပ်ခန်းမဆံ့သဖြင့် လယ်သမားအကျဉ်းသားများမှာ အချုပ်ခန်းအပြင်ဘက်ကုက္ကိုပင် စိမ်းညို့ညို့အောက် မြေပြင်ပေါ်တွင် ဖြစ်သလိုနေကြရသည်။ ထမင်းထုတ်များကိုဖြေပြီး ဒီ မြေပြင်ပေါ်မှာပဲစားကြ၊ အိပ်ကြရသည်။ ထမင်းထုတ်ပို့မည့်သူကို နံနက်စာစားချိန်ရောက်သည် နှင့် မျှော်ကြရသည်။ ထောင်ဝင်စာထမင်းထုတ်၊ ထမင်းဟင်းမှာလည်း အိမ်ကထမင်းဟင်းအ တိုင်းပင်ဖြစ်သည်။ ပို၍ထူးခြား ကောင်းမွန်သည်မဟုတ်ပေ။ အင်ဖက်သို့မဟုတ် ငှက်ပြောဖက် ထမင်းထုတ်ကို ဖြေလိုက်သည့်အခါတွင် ထမင်းနှင့်ငပိထောင်း၊ ထမင်းနှင့် ငပိချက်။ အ ကောင်းဆုံးအစားအစာအဖြစ် ဘဲဥကြော်ကိုတွေ့ရတတ်သည်။

တောထဲသို့ဝါးခုတ်၊ ထင်းခုတ်သွားသည့်အခါ မြေကြီးပေါ်တွင် အိပ်ရစားရသည်။ လယ် ထွန် ထယ်ထိုးတော့လည်း လယ်ကွက်ကန်သင်းပေါ်တွင် အဆာခံစားရ၊ ရေနွေးကြမ်း ၀ိုင်းဖွဲ့ သောက်ရ။ မြေနှင့်မကင်းတော့။ မြေပေါ်မှာမွေး မြေနှင့်တသားတည်းတလွှာတည်း။ မြေပေါ်မှာ မြေသခင်နှင့်ဖက်ပွေ့ရသည်မှာ ပျော်မွေ့စရာ။ မြေပေါ်မှာစား၊ မြေပေါ်မှာအိပ်။ ဘာမှမဆန်းပြားခဲ့။ သို့သော် ... သီးစားခမပေး နိုင်သည့်သီးစားလယ်သမားတို့ အကျဉ်းတိုက်ထဲကျရောက်ခဲ့စဉ် မြေပေါ်မှာအိပ်၊ မြေပေါ်မှာစားရသောအခါ မြေ၏သားများနှင့်အတူ မြေသခင်သည် နာကျည်း နာကျင်ရလေသည်။

နောက်ထပ်ဘယ်နှစ်ည ဘယ်နှစ်ရက်မျသည်အချုပ်ခန်းနှင့်မြေပေါ်တွင် လယ်သမား အကျဉ်းသားတို့နေကြရဦးမည်နည်း။

“အဘရဲ့ဒါဟာဘ၀တက္ကသိုလ်တခုပဲဗျို့ ... ဒီတက္ကသိုလ်မှာ ကျုပ်တို့ထောင်နေသမျ အတွေ့အကြုံတွေ အများကြီး ရလိုက်မှာပဲ”

လယ်သမားလူငယ်တဦးဖြစ်သည့် သရက်တောရွာသားဖိုးအောင်က အဘဦးစိန်ကို လှမ်းပြီးအားညှိလိုက်သည်။ ဖိုးအောင်ကို အဘတုန့်ပြန်ပုံမှာ လယ်သမားတွေကို အရွဲ့တိုက်သံ ပါနေခဲ့သည်။

“ဆင်းရဲသားလယ်သမားတွေ စုရုံးကြပါရင်ဖွင့်ညီလာခံလုပ်ကြပါ ... ရှေ့ရေးအတွက် ဘာလုပ်ကြမလဲဆိုတာ တိုင်ပင်ကြပါဆိုရင် စုစည်းဖြစ်ချင်မှစုစည်းဖြစ်မယ် ... ခေါင်းထိလို့ အသဲ မခံနိုင်တော့မှ ငါတို့လယ်သမားအတော်များများဟာ စုစည်းဖြစ်ကြတယ် ... အခုကွာ မြို့နယ်ရဲ့ အနောက်ဘက်ခြမ်းတခုလုံးက လယ်သမားတွေကိုယ်စားလှယ်ငါးဆယ်ကျော်လာပြီး စုစည်းမိကြ တယ် ... အဲဒါ အမြတ်ပဲကွ ဖိုးအောင်ရဲ့ ... အာဏာရှင်ကိုတောင် အရွဲ့တိုက်ပြီး ကျေးဇူးတင်ရ တော့ မလိုပဲကွ ...”

ကရင်ဒိုက်အင်းနှင့် ဗမာဒိုက်အင်းရွာက လယ်သမားတချို့က အဘပြောသည်ကိုပြုံး လိုက်မိကြသော်လည်း ဘ၀င်မချိခဲ့။ တချို့လယ်သမားတွေက တာဝန်ကျေစပါးမဆပ်နိုင်၍ နေ ပူအလှမ်းခံခဲ့ရကြရသည်။ ဘယ်လိုမှစပါးကိုညှစ်ထုတ်ယူလို့မရတော့မှ လယ်သမားကိုအချုပ် ခန်းထဲ၊ ထောင်အကျဉ်းတိုက်ထဲ ပို့လိုက်ခြင်းဖြစ်သည်။ မြို့နယ်စစ်အုပ်ချုပ်ရေးအဖွဲ့က အစည်း အဝေးတက်ဖို့ အသံချဲ့စက်နှင့် အော်ဟစ်အကြောင်းကြားသော်လည်း အခြားကျေးရွာမှ လယ် သမားတွေမှာ မကြားလိုက်ကြ။ ပျက်ကွက်ခဲ့ကြသည့် လယ်သမားကို စစ်တပ်နှင့်စစ်အုပ်ချုပ် ရေးက ဂျီသရီးပြောင်းဝကိုငုံခိုင်းသည်။ တချို့လယ်သမားများစစ်ဖိနပ်ဖြင့်ဆောင့် အကန်ခံရသည်။ လယ်သမားကကြွေး၍ လယ်သမားဝယ်ပေးသော သေနတ်ဒင်နဲ့ လယ်သမားများ အထုခံရလေ သည်။ တချို့လယ်သမားများ မျက်နှာကိုလက်သီးဖြင့်အထိုးခံရသဖြင့် အာလူးကဲ့သို့ ဖူးရောင် ညိုမဲကုန်သည်။ တချို့လယ်သမားကို အစည်းအဝေးပျက်ကွက်သည်ဟုဆိုကာ ငွေဒဏ်ဆောင် ခိုင်းသည်။ စစ်တပ်သည်ဘုရင်ပဲ။ သေနတ်နှင့်စစ်တပ်သည် စစ်တရားရုံးပဲ။ စိတ်တိုင်းကျတရားမဲ့ အနိုင်ကျင့်ခွင့်ရထား လေသည်။

အိမ်ကမိသားစုလာပို့သည့် ထမင်းထုတ်ကို ဆာလောင်မွတ်သိတ်မျော်စောင့်ရင်း မြေ ပြင်အခင်းပေါ်တွင် ၀ိုင်းဖွဲ့ညီလာခံကြခြင်းဖြစ်သည်။ အတွင်းအချုပ်ခန်းထဲမှာလည်း အခြားရာ ဇ၀တ် အကျဉ်းသားများနှင့်အတူ လယ်သမားအကျဉ်းသားတွေ အပြည့်အသိတ်။ အချုပ်ခန်း ထဲမှ လယ်သမားတွေအားလုံးမှာ သည်ညီလာခံသို့တက်ရောက်ခွင့်မရကြ။

“အာဏာသိမ်းပြီး ရှစ်လအကြာမှာ လယ်သမားတွေကို ပွဲဦးထွက်ဦးချိုးနာမ်နှိမ်တာပဲ ဦး ဖိုးစောရဲ့ ... ပဲခူးအရှေ့ခြမ်းတို့ ဧရာ ၀တီတိုင်းတို့က လယ်သမားတွေလဲ ကျုပ်တို့လိုပါပဲဗျာ ... အဲဒီက လယ်ာသမားတွေက အမျိုးသားဒီမိုကရေစီအဖွဲ့ချုပ်နဲ့ လူ့ဘောင်သစ်ပါတီကိုအကူအညီ သွားတောင်းကြသတဲ့ အခုလိုဖိနှိပ်ရမ်းကားမှုတွေကို ကာကွယ်ပေးဖို့ လယ်သမားတွေ ကိုယ် တိုင်သတင်းပို့ကြ တိုင်ကြတောကြသတဲ့ ... အဲဒီပါတီတွေကလဲ စစ်ခေါင်းဆောင်စောမောင် တို့ကို ထုတ်ပြန်ချက်တွေနဲ့တားဆီးတယ်ဗျ ... ထုတ်ပြန်ချက်တွေ ထုတ်ပြန်လို့ဆိုပြီး မြို့နယ် စစ်အုပ်ချုပ်ရေးရုံးတွေက လူ့ဘောင်သစ်ပါတီဝင်အချို့ကို ထောင်ထဲထဲ့ထားတဲ့အထိ စစ် ကောင်စီအာဏာရှင် တွေက လက်သံပြောင်နေကြပြီ ကိုယ့်လူတို့”

အဘစိန်က သူ့မိတ်ဆွေချစ်ရဲဘော်ကရင်အမျိုးသားကြီး စောဖိုးနီကိုပြုံးကြည့်ရင်းအသိ ပေးလေသည်။ စောဖိုးနီမှာ အံ့သြသွားဟန်ဖြင့် တံတွေးတချက်ထွေးထုတ်လိုက်သည်။ ဆေး ရွက်ကြီးကိုအံသွားဖြင့် တချက်ဖိကိုက်ရင်း ခေါင်းကိုတွင်တွင်ခါလိုက်သည်။

အဘတို့မြို့နယ်မြောက်ပိုင်းက လယ်သမားများသာမက အခြားမြို့နယ်အရှေ့ခြမ်း၊ အ နောက်ခြမ်းက လယ်သမားများပါ အချုပ်ခန်းထဲမှာလာရောက်ဆုံစည်းကြသည်။ နံနက်ခင်း ကုက္ကိုပင်ရိပ် လယ်သမားညီလာခံက အရှိန်ရစ။ လယ်သမားတွေကို ဖမ်းဆီးထောင်ထဲထည့်ထား သည့် သတင်းက တောမီးပမာပျံ့နှံ့ခဲ့ပြီဖြစ်သဖြင့် စာနာခံစားသည့်လူထုများမှာ တဖွဲဖွဲရောက် လာခဲ့ကြသည်။ ဘာကူညီရမလဲ၊ ရေတို့ရိက္ခာတို့လုံလောက်ရဲ့လား။ စသည့်ပူပန်မှုဖြင့်ထောက် ပံ့ကူညီလိုသည့် လူထုတွေလည်းတဖြည်းဖြည်းများပြားလာ။ သံဆူးကြိုးစည်းရိုးသို့ ချဉ်းကပ် လာခဲ့ကြသည်။

မြို့နယ်ထောင်အချုပ်ခန်းနှင့် လူနေရပ်ကွက်က တသီးတခြားစီမဟုတ်။ ထောင်နံရံနှင့် သံဆူးကြိုးပတ်ပတ်လည်မှာက လူနေရပ်ကွက်နှင့် လူထုတွေ။ မြို့ကလေးနှင့် ကူးလူးဆက် သွယ်ထားသည့် မြေဖို့လမ်းမနှင့် အချုပ်ခန်းကလည်းကပ်လျက်သား။

“အဘရေ ... အဘ ... သမီးတို့ရောက်လာကြပြီ အဖွားလဲပါတယ် ... အဘကိုပြော ပြပေးပါ ... အဘဦးစိန်ကိုပြောပြပေးကြပါ ... သမီးပြောတာကို အဘမကြားရင် ဘေးနားက ဦးကြီးတို့ကတဆင့် ပြောပြပေးပါရှင့် ...”

မြေးမလေးသင်းမြက အသံကုန်ဟစ်အော်ပြောသည်။ အဘက မတ်တတ်ရပ်ကာ နောက်ကျော ဘက်က အသံလာရာသို့ လှည့်ကြည့်သည်။ လက်ပြနှုတ်ဆက်သည်။ ထို့နောက် ခြံစည်းရိုး တွင်ရပ်နေသော မြေးအဖွားရှိရာသို့ တလှမ်းခြင်းလှမ်းသွားသည်။ လမ်းတ၀က်တွင် အကျဉ်း ထောင်အစောင့်ပုလိပ်က အဘကိုလှမ်းပြီး အမိန့်ပေးတားမြစ်သည်။

“တားလို့ မရရင် ပစ်ရလိမ့်မယ် ... ရှေ့မတိုးပါနဲ့”

ပုလိပ်၏အမိန့်ကို ကြားရသည့်နောက်တွင် လယ်သမားအတော်များများသည် အဘစိန် ၏ နောက်မှတလှမ်းခြင်းလှမ်းကာ လိုက်လာခဲ့ကြသည်။ အဘက မြေးအဖွားထံဆက်လျောက် ရင်း ရောက်လာခဲ့သည်။ ခြေတလှမ်းမဆုတ်ခဲ့။

“အဖိုးကြီးကျုပ်ဟောဒီခြံစည်းရိုးမှာ အစာငတ်ခံပြီးနေသွားမယ် ... အဖိုးကြီးမလွှတ် မခြင်း ... လယ်သမားတွေကို မလွှတ်မခြင်း ကျုပ်ဟောဒီမှာနေသွားမယ် ... အိမ်မပြန်ဘူး ... သေရင်သေပေ့စေ ...”

အဖွားက ဒေါသအက်ကွဲဖြင့် သူ့အဖိုးကြီးအဘဦးစိန်ကို လှမ်းပြောသည်။ အဖွားလက် မောင်းကိုဖက်ကိုင်ထားသည့် သင်းမြလက်ချောင်းတွေမှာလည်းလှုပ်ခါလာလေသည်။ လယ်သ မားမိသားစုနှင့် လူထုပရိတ်သတ်မှာ အချုပ်အနှောင်ခံသံဆူးကြိုးဝံ့ရဲ တိုးကပ်လာခဲ့ကြသည်။ တခုခုဖြစ်လာလေမလား တခုခုဖြစ်လာတော့မည့် အရိပ်အရောင်အတိတ်နမိတ်များလေလား။ မြေး အဖွားကို တဖြည်းဖြည်းဝိုင်းအုံထားကြ။ မေးကြ မြန်းကြ၊ အားပေးကြ။ အဖွားပြောကို ဂရုတစိုက် နားထောင်ကြ။ အဘဘာများပြောမလဲ ဆိုင်းငံနားစွင့်နေခဲ့ ကြသည်။

“အမေကြီးရယ် ရွာကိုပြန်ပါကွာ ... ကျန်းမာရေးကိုဂရုစိုက်စေ့ချင်တယ် ... ငါတို့အ သက်ရှင်နေရအုံးမှာ ... သေလို့မဖြစ်သေးဘူး ...ဒီမှာက လုပ်စရာတွေရှိသေးတယ် ...မြေးတွေ သားတွေ သမီးတွေကို ပြုစုစောင့်ရှောက်ရအုံးမှာမဟုတ်လား ... အိမ်မှာအမေကြီးမရှိ လို့မဖြစ်ဘူး ... မလစ်ဟာစေ့ချင်ဘူး ... အိမ်ကိုပဲပြန်ပါ”

စကားဆုံးအောင်ပင် မပြောလိုက်ရ။ ပြောခွင့်မရလိုက်တော့။ ပုလိပ်တွေက အဘကို ဆွဲခေါ်လာခဲ့သည်။

“အဲဒီအဘ တခုခုဖြစ်သွားတယ်ဆိုရင်ောတ့ မင်းတို့ပုလိပ်ကော ပုလိပ်ရုံးခန်းပါ ပြာဖြစ် ပြီသာမှတ်ပေတော့။ လယ်သမားကျောပေါ် စစ်ဖိနပ်နဲ့တချက်ကန်တိုင်း မင်းတို့အာဏာရှင်တွေ မသာတွင်းထဲခြေတလှမ်းကျွံဝင်သွားပြီသာမှတ်ပေတော့”

“ဟုတ်တယ် ... ဟုတ်တယ်”

“အဖိုးကြီး ... ကျုပ်ဒီကနေ တဖ၀ါးမှမခွာဘူး ... အဖိုးကြီးနဲ့အတူ ကျုပ်ရှိနေမယ် ... လယ်သမားတွေနဲ့အတူရှိနေမယ် ... ဟောဒီခြံစည်းရိုးမှာ ရှိနေမယ် ... ”

အဖွားက ကြိတ်၍ရှိုက်ကာငိုသည်။ အဘက အသက်ခြောက်ဆယ့်ငါးနှစ်။ ပုလိပ်တွေ လက်ထဲမှာ အဘကတနဲ့နဲ့ပါသွားသည်ကို အဖွားကကြည့်ကာသနား ကြေကွဲစွာငိုချခြင်းဖြစ်သည်။ ကျုပ်အဖိုးကြီးမှာ ဘာမှအပြစ်မရှိပါဘူးတော်။ ရွှေမရှိငွေမရှိဆင်းရဲမွဲတေလို့တာဝန်ကျေ စပါး မပေးသွင်းနိုင်လို့ပါတော်။ အသက်ကြီးကာမှ ဒုတိယအကြိမ်ထောင်ထဲ ထပ်ရောက်ရတယ် တော့်။ အဖိုးကြီးရယ် သနားလိုက်ပါဘိကွယ်။ နေ၀င်းစစ်ခွေးဖက်ဆစ်လက်ထက်မှာလဲခံရ။ ထောင်ထဲ ရောက်ခဲ့။ ကျုပ်အဖိုးကြီးကိုချက်ခြင်းလွှတ်ပေးပါ။ လယ်သမားတွေကို လွှတ်ပေးပါဆိုပြီး အဖွားက တလုံးချင်းရေရွတ်ပြောခဲ့သည်။

“အဘကိုချက်ခြင်းလွှတ်ပါ၊ လွှတ်ပေးရမယ် ... အဘမှာသွေးတိုးရောဂါရှိတယ် ... နှလုံး ရောဂါလဲရှိတယ် ... အဘသေသွားရင် ကျမတို့ဘ၀တွေ ထပ်ပြီးပျက်ဆီးသွားတော့မယ် ... အဘကိုလွှတ်ပေးကြပါ”

အပျိုပေါက်မသင်းမြကအဖွားကိုဖက်ပွေ့ထားလျက်ကငိုကြွေးအော်ဟစ်သည်။ တောင်း ဆိုသည်။ သင်းမြမျက်နှာပေါ်တွင် သွေးရောင်တွေချက်ခြင်းလွှမ်းသွားသည်။ မြေးအဖွား၏ ငို ကြွေးရှိုက်ငိုသံတွေက ပရိတ်သတ်လူထုရင်ကို ဆို့နင့်စေခဲ့သည်။ လှုပ်နှိုးလေသည်။ ပင်လယ် လှိုင်းကဲ့သို့ ကြွတက်မြင့်မောက်လာစေခဲ့သည်။

“လယ်သမားတွေကို လွှတ်ပေးပါ ... လယ်သမားအခွင့်အရေးချက်ခြင်းပေး ... စစ် အာဏာရှင်စနစ်ဖျက်သိမ်းပစ်”

တယောက်ကညာသံပေးကာ စလိုက်သည်အခါ လူထုကညာသံဖြင့်ဟစ်ကြွေးလိုက် သည်။ ရုတ်တရက်ပေါက်ကွဲသွားကြခြင်းဖြစ်သည်။ တချိန်တည်းတွင် အဘဦးစိန်ကို ပုလိပ်က ဆွဲလွဲခေါ်လာပြီး အချုပ်ခန်းထဲပြန်ထည့်သည်။ ရောက်လာခဲ့သည့် ညကကဲ့သို့အဘကို အချုပ် ခန်းထဲ ပြန်ထည့်ခြင်းဖြစ်သည်။

လွန်ခဲ့သည့်ညက အချုပ်သားတွေကို အဘကနိုင်ငံရေးတရားဟောသည်။ စစ်အာဏာ ရှင်စနစ်အောက်က အဖိနှိပ်ခံလူထုဘ၀ကို မီးမောင်းထိုးပြသည်။ ပြီးတော့ငါတို့တတိုင်းတပြည် လုံး စည်းလုံးညီညွတ်မှုကိုတည်ဆောက်ပြီး ၁၃၀၀ ပြည့်နှင့် ၈၈ ကဲ့သို့အရေးတော်ပုံကြီး တခု လုပ်ရမည်။ ဒီတခါ လူထုအစိုးရကို မဖြစ်မနေထူထောင်ရမည်ဟုဆိုသည်။ အချုပ်သားများမှာ ကြပ်ညှပ်အသက်ရှူမ၀သည့် အကျဉ်းသားဘ၀ကို မေ့ထားပစ်ကြ။ နိုးကြားတက်ကြွနေခဲ့ကြ သည်။ သေနတ်စစ်တပ်နဲ့ အာဏာသိမ်းတော့ အစိုးရတော့ဖြစ် လာမှာမဟုတ်ဘူး၊ ဓါးမြပဲဖြစ် မယ်ဟု အဘကပြောသောအခါ “ဟုတ်တယ် ... အဘပြောတာ ဟုတ်တယ်” ဟု ဟစ်ကြွေး လိုက်ကြသည်။

ဘောလယ်ကျွန်းဘက်မှ ဓါးပြခေါင်းဆောင် သာခင်က အဘကိုလေးစားကြည်ညိုကာ အဘကိုပုဆိုးဖြင့် ယက်ခပ်ပေးသည်။ တညလုံးအဘကိုပြုစုသည်။ အဘက ဓါးမြခေါင်းဆောင် ကို လူမှုစနစ်ဆိုးကြောင့် မင်းတို့ဟာသားကောင်ဖြစ်ရတာ။ မင်းကဟောဒီစနစ်က တွန်းပို့လို့ ဓါး ပြဖြစ်လာခဲ့ရတာဟု တရားပြသည်။ လူ့သွေးထဲမှာဓားမြဖြစ်စေတဲ့ သွေးတစက်မှမပါလာခဲ့ဘူး။ မွေးရာပါဓါးမြသွေးဆိုတာ လူ့လောကမှာမရှိဘူးကွဲ့ဟု အဘကပြောသည်။ ထိုပထမညက အဘကိုသာခင်ထိုင်၍ ဦးညွှတ်ကန်တော့်ခဲ့လေသည်။

အဘမှာ အချုပ်ခန်းထဲတွင် လှောင်ပိတ်မောကြပ်အသက်ရှူမ၀ဖြစ်လာသဖြင့် ကုက္ကိုအောက်သို့ ထိုစဉ်က ပို့ခဲ့ခြင်းဖြစ်သည်။ ယခုအချုပ်ခန်းထဲသို့ အဘပြန်ရောက်လာသော အခါ ဓါးပြခေါင်းဆောင်သာခင်သည် တက်တခေါက်ခေါက်ဖြင့် အဘကို ဖေးမပြုစုသည်။ ခဏကြာ သည့်အခါအကျဉ်းထောင်သံတိုင်ကြားမှ ကုန်း၍ဟစ်လေတော့သည်။

“ငါဓါးပြဗိုလ်ပဲ ... ငါ့မှာထောင်အပြင်တန်းမရှိဘူးဟေ့ ကျေးဇူးရှင်လယ်သမားတွေနဲ့ ငါ့ အဘကို စော်ကားတဲ့ကောင်တွေ ငါနဲ့တွေ့မယ်...မင်းတို့ပုလိပ်တွေကော အာဏာလုယူထားတဲ့ ကောင်တွေကော သတိသာထားပေတော့ ...”

ဒေါသမီးတောက်ဖြင့် ကျိန်းဝါးနေစဉ် အချုပ်ခန်း၏အပြင်ဘက်တွင် သေနတ်သံတချက် ထွက်ပေါ်လာသည်။ အချုပ်ထောင်ကို ပဲ့တင်ထပ်သွားစေသည့် ပုလိပ်၏သေနတ်သံ။ အတွဲ လိုက်စိပ်၍ ထွက်လာသည်။

“လယ်သမားတွေကို ချက်ခြင်းလွှတ်ပေး၊ စစ်အာဏာသိမ်းဓါးမြတွေ ကျဆုံးပါစေ ... ကျဆုံးပါစေ”

တောင်းဆိုဟစ်ကြွေးသံက သေနတ်သံကို ဆက်လက်လွှမ်းမိုးနေခဲ့သည်။ တချို့လူထု မှာ ရုတ်ရုတ်သဲသဲဖြစ်သွားကြသည်။ တိုးတိုက်မိသဖြင့် ယိမ်းယိုင်ပြိုလဲမတတ်ဖြစ်သွားသည်။ မြေးမကလေးသင်းမြက ငိုရင်းဟစ်ကြွေးရင်း မောဆို့နေသောအဖွားကို ဖက်ပွေ့ထား လေ သည်။ အဖွားက လဲပြိုမကျရန်၊ မတ်မတ်ရပ်နိုင်ရန် ကြိုးစားရင်း လယ်သမားတွေကို ချက်ခြင်း လွှတ်ပေး ဆိုကာ ဟစ်ကြွေးနေလျက်။ ။

အေးမြနှင်းရည်

ဇွန်၊ ၁၄၊ ၂၀၀၇