Thitsar: သူပုန်ဗိုလ် ငချစ်ညိုနှင့်...ဘုရင်မင်းခွေးချေး...

မြတ်နိုး

အနောက်တောင် ကောင်းကင်ယံတွင် မိုးသားတိမ်ညိုရိပ်တို့ တလိပ်လိပ် တက်လာနေ သည်။ နန်းမြို့ရိုး အပြင်ဘက်ရှိ အရေးပေါ်စီမံထားသော လူသတ်ကွင်းကြီးထက်တွင်မူ မိုးသား တိမ်ရိပ် ကင်းစင်ကာ ကြည်လင်နေဆဲပင်။

လူသတ်ကွင်းကြီးအတွင်းနှင့် ပတ်ပတ်လည်တွင် မောက်တို၊ မောက်ရှည်ဆောင်း ဓား၊ လှံ၊ မီးပေါက် သေနတ်ကိုင် စစ်သည်ရဲမက်အများအပြားစောင့်ကြပ်လျက်ရှိသည်။ လူသတ်ကွင်းကြီး အတွင်းတွင်လည်း လူသူပရိသတ်များဖြင့်ပြည့်နေ၏။

ယနေ့သည် စစ်မြေပြင်မှ အရှင်ဖမ်းမိခဲ့သော လယ်သမားသူပုန်ဗိုလ်‘ငချစ်ညို’အား ကွပ်မျက်စီရင်မည့် နေ့ဖြစ်သည်။ မြို့သူမြိုသားများအပါအ၀င် သုံးတိုင်ခရီးဝန်းကျင်ရှိ ရွာငယ်ဇနပုဒ် များမှ အရွယ်ရောက်သူ ယောင်္ကျား မိန်းမမှန်သမျ လာရောက်ကြည့်ရှုရန် ယမန်နေ့ကပင် မောင်းကြေးနှင်းခတ်ထားသည်။ ပျက်ကွက်ပါက ကျောတရာ၊ ရင်တရာ၊ ဒဏ်ခတ်၍ မြိုင်ရပ်သို့ အနှင်ခံရမည်ဟုလည်း အမိန့်တော်မှတ်ထားသည်။

လူသတ်ကွင်းအတွင်းရှိ များပြားလှသော ဇနပုဒ်သားတို့မှာ တူညီသော ခံစားချက်ဝေဒနာ ဖြင့် တိတ်ဆိတ် ငြိမ်သက်လျက် နှုတ်ခမ်းများကိုတင်းတင်းစေ့ကာ အံကိုကျိတ်လျက်၊ သက်ပြင်း ရှည်ကြီးများကို အကြိမ်ကြိမ်ချလျက်။ နင့်နေသောရင်ထဲမှ ကြေကွဲဝမ်းနည်းမှုကြောင့် မျက်ရည်စို နေသော မျက်လုံးပေါင်းများစွာကမူ လူသတ်ကွင်းတဘက်ထိပ် ကုန်းမြင့်လေးပေါ်မှ သံပြားခင်းပြီး သံတိုင်များ ကာရံအုပ်ဆိုင်းထားသော သံကျပ်စင်ဆီသို့ ငေးကြည့်နေကြသည်။ သံကျပ်စင်အောက် ရှိ လိမ္မော်ရောင်မီးတောက်များက အခင်းသံပြားထူထူကြီးကို မထိတထိ လှမ်းလျက်နေသည်။

မင်းခွေးချေးသည် သံကျပ်စင်ရှေ့ အလံနှစ်ဆယ်ခန့်အကွာရှိ ရွှေပိန်းချ ထိုင်ခုံပေါ်တွင် ထိုင်လျက် သေမင်းတမန် သံကျပ်စင်ကို စိုက်ကြည့်နေ၏။ သူနှင့်မလှမ်းမကမ်းတွင် ဓားလွတ်ကိုင် စစ်သည် ရဲမက်အချို့ စောင့်ကြပ်လျက်ရှိသည်။

“ငါလို သက်ဦးဆံပိုင်ဘုရင်ကို ဒင်းလို မစ္ဆဂီိသား သက်လူမျိုး အညတြ ကျေးတောသားက ပုန်ကန်ခြားနား ခြင်းကား ရယ်ဖွယ်ကောင်းလေစွ။

‘အုပ်စိုးသောငါ မင်းကျင့်တရား ဆယ်ပါးနှင့်မညီ၍၊ မိုးလေ၀ဿခေါင်သည်။ ထိုကြောင့် သီးထွက်များ ဆုတ်ယုတ်ကာ အငတ်ဘေးကြီးဆိုက်ရသည်။ ဆင်းရဲသားပြည်သူတို့၏ မျက်နှာကို မထောက်ဘဲ ကြီးလေးသော အခွန်အတုတ်များကိုလည်း ထမ်းစေသည်’ဟု စွပ်စွဲလှုံ့ဆော်ကာ သင်သူပုန်ထသည်။ ငါ၏ မြို့စား၊ ရွာစားများကို သင်အာခံသည်။ ဤပုဂံပြည်တွင် ငါဘုရင်၊ ငါသခင်ဖြစ်သည်။ ဤတိုင်းပြည်တွင်းရှိ ပုပုရွရွလူမှန်သမျ ငါ၏ကျေးကျွန်များသာဖြစ်သည်။ ရေမြေ့ အရှင် သက်ဦးဆံပိုင် ငါဘုရင် ငါထင်တာ ငါလုပ်မည်။ ငါ့ဓား၊ ငါ့နုတ်ထွက်စကား တရားဖြစ်သည်။ သင် ပုန်ကန်ခြားနားမှုကြောင့် ငါကြီးစွာ စိတ်လက်မချမ်းမသာ ဖြစ်ခဲ့ရသည်။ သို့တစေ ယခုအခါ သင့်ကံကြမ္မာသည် ငါ့လက်တွင်း၌တည်ခဲ့ပြီ။ ငါခြေဖ၀ါးတော်အောက် သင်ဒူးထောက် အရှုံးပေး ရတော့မည်။ ဖားတုလို့ ခရုခုံ အိုင်ပျက်ရုံသာ ရှိတော့သည်ကို မကြာမီ သင့်ကိုယ်တွေ့ကြုံရတော့ မည်။

ပြုရိုးပြုစဉ် တောင်စွယ်နေကွယ်လျင် သုဿန်ထုတ် ဓားခုတ်သတ်ခြင်းကား သင့်အတွက် စာနာရာရောက် လွန်း၏။ မီးကျီးမီးလျံဖြင့် ခြစ်ခြစ်တောက် ပူလောင်နေသော သံကျပ်စင်ပေါ်တွင် ဟိုပြေးသည်လွှား၊ အော်ဟစ် ညည်းတွားရင်း တဖြည်းဖြည်းသေရခြင်းသည်သာ သင်နှင့်အထိုက် တန်ဆုံး အပြစ်ဒဏ်ဖြစ်၏။

ဤနှယ် အသေဆိုးနှင့် သေရသည့် သင်အဖြစ်ကို မြင်တွေ့သူတိုင်း၊ ကြားသိသူတိုင်း နောင်ကြဉ်ကြလိမ့်မည်။ ငါ့အားပုန်ကန်ခြင်း အမှုပြုရန် အိပ်မက်သော်မျ မက်ရဲကြတော့မည် မဟုတ်။

မိမိကိုယ်ကို သူရဲကောင်းကြီးအထင်ဖြင့် ငါ့ကိုပုန်ကန်ခဲ့သောသင့်အား မီးလောင်တိုက် သံကျပ်စင်အတွင်း အမိတ အော်ဟစ်ငိုကြွေးစေခြင်းဖြင့် လူပုံအလယ်၌ အရှက်ရစေအံ့။”

မင်းခွေးချေးကား ထိုသို့အတွေးဇာချဲ့လျက်ရှိ၏။ သူ၏တမူထူးသော အစီအမံအတွက်လည်း အားရကျေနပ် လျက်ရှိသည်။ မီးကျီး၊ မီးလျံထက်မှ သံကျပ်စင်ပေါ်၌ ဆောက်တည်ရာမရ ပြေးလွှား အော်ဟစ်ရင်း ဖြည်းဖြည်းချင်း လောင်ကျွမ်း သေဆုံးရမည့် ငချစ်ညို၏ အဖြစ်ကိုရှုစားရန်လည်း စိတ်အားထက်သန်လျက်ရှိသည်။•••

ဗလလည်းကောင်း၊ အရပ်လည်းထောင်မောင်းသည့် ရောင်တစောင်းနှင့် ငချစ်ညို၏ တုတ်ခိုင် သော လည်ပင်းကို ကြိုးကွင်းတည်းထားသည်။ အကြောအခြင်၊ ကြွက်သားမျှင် အမြောင်းမြောင်း ထနေသော လက်ရုံး၊ လက်ဖျံ နှစ်ဖက်ကိုလည်း လက်ပြန်နှောင်ကြိုးတည်းထား၏။ ခြေနှစ်ဘက်ကို လည်း တတောင်ခန့်အကွာ လှမ်းနိုင်ရုံမျှသာ လွန်ကြိုးဖြင့် ထူးခတ်ထားသည်။

ငချစ်ညို၏ ခါးပေါ်တွင် ပိတ်ဖြူနံငယ် တပိုင်းသာစီးထားသဖြင့် အထက်ပိုင်းဗလာကျင်း နေသောကြောင့် ညိုမောင်းသောအသားအရေ၊ တုတ်ခိုင်သန်မာသော ကိုယ်ကာယကို အတိုင်းသား မြင်နေရသည်။ ခြေလှမ်း လှမ်းလိုက်တိုင်း ထိုးကွင်းမင်ကြောင်တို့ဖြင့် ခန့်ညားပြာလဲ့နေသော ပေါင်လုံးနှစ်လုံးပေါ်မှ ကြွက်သားဆိုင် အဖု၊ အထစ် များမှာ လှုပ်ရှားရုန်းကြွနေသည်။ သူ့ဟန်ပန်မှာ လူးအိုင်မှတက်စ ကျွဲပေါက်တကောင်နှင့်တူလှ၏ သူ့မျက်လုံး အစုံကမူ မဟုတ်မခံ၊ မှန်ရာကိုသာ လိုလားသော ရိုးသားသည့် စိတ်ဓာတ်နက်ရှိုင်းမှုဖြင့် ကြည်လင်တောက်ပနေသည်။

အာဏာပါးကွက်သားများ ရှေ့နောက်ဝဲယာ ၀န်းရံခေါ်ဆောင်ရာသို့ ရဲဝံစွာရင်ကော့၊ ခေါင်းမော့လိုက်ပါသွားသော ငချစ်ညိုကိုမြင်လိုက်ရသောအခါ လူအုပ်ကြီးမှာ လှုပ်လှုပ်ရွရွဖြစ်လာ ကြသည်။

ငချစ်ညိုအားကြည့်ရန် တိုးဝှေ့ကြ၏။ ကြင်နာစိတ်ဖြင့် စုပ်သတ်ကြ၏။ မျက်ရည်ကျကြ၏။ ‘ဒါမှသူရဲကောင်း အစစ်’ဟူ၍ ချီးမွမ်းရေရွတ်ကြ၏။ အစောင့်အကြပ်စစ်သည်ရဲမက်များက လူအုပ် ကြီးအား ကြိမ်၊ ဓားအိမ်၊ လှံရိုး တို့ဖြင့် ထိုးပုတ် ရိုက်မောင်းကာ ငြိမ်ဝပ်စွာနေရန် ထိန်းလျက် ရှိသည်။

အာဏာပါးကွက်သားများသည် ငချစ်ညိုအား သံကျပ်စင်ရှိရာသို့ ခေါ်ဆောင်လာခဲ့ကြ သည်။ ငချစ်ညိုသည် မီးလျံထက်မှ သံကျပ်စင်ကို မြင်လိုက်ရသော အခါစိုးစဉ်းမျ တုန့်ဆိုင်းသွား၏။ ‘ဒါကို ငါခံနိုင်ပါ့မလား’ ဟူသော အတွေးက ဖျတ်ကနဲ အလိုလျောက်ဝင်လာသည်။ အကြောင်းမှာ စိတ်ကူးအတွေးထဲမှသေမင်းနှင့် တကယ့်မျက်စိဖြင့် မြင်ရသောသေမင်း၏ ရက်စက်ပုံမှာ ကွာခြား လွန်းလှသောကြောင့်ဖြစ်သည်။

သို့ရာတွင် မင်းခွေးချေး သူ့အား ခနဲ့ပြုံး ပြုံးကြည့်နေမည်ကို အာရုံတင်လိုက်မိသောအခါ တဒင်္ဂတုန်လှုပ် စိတ်လည်း ပျောက်သွားတော့သည်။ သူ့ကိုယ်သည် ပို၍မတ်ကာ ရှေ့သို့ရဲရဲ ဆက်လျှောက်သွားသည်။ ဘ၀တူ ဆင်းရဲသား နင်းပြားများရှေ့မှောက်တွင် အမှန်တရားအတွက် အသက်စွန့်ရမည်ကို တွန့်ဆုတ်၍ မပြကောင်းဟု တွေးလိုက်မိသောအခါ နှလုံးသားမှ ပွက်ထ လာသော သတ္တိအဟုန်က အထွတ်အထိပ်သို့ ရောက်ရှိသွားတော့သည်။ သံကျပ်စင်ပေါ်တက်ရမည့် အပေါက်မှာ မင်းခွေးချေးထိုင်နေရာဘက်မှာရှိ၍ ထိုဘက်မှ လှည့်သွားရမည်ဖြစ်သည်။ မင်းခွေးချေး နှင့် နီးလာလေလေ ငချစ်ညို၏ မျက်လုံးအစုံမှာလည်း ပိုမိုတောက်ပလာလေဖြစ်သည်။ လှမ်းနေ သော ခြေလှမ်းသည်လည်း ပိုမိုကြံ့ခိုင်ရဲတင်းလာသည်။

မင်းခွေးချေးသည် ငချစ်ညို၏ ရဲရင့်တည်ငြိမ်မှုကို မြင်ရသောအခါ မခံမရပ်နိုင်အောင် ဖြစ်လာ၏။ မရိုးမရွ ဂဏာမငြိမ်ဖြစ်လာ၏။ ရာဇဣနြေ္ဒပျက်လာသည်။ ‘ငါဘုရင်ကိုပင် အလေးမထား ဂရုမစိုက်၊ သေမင်းရှိရာ သွားနေရပါလျှက် မျက်နှာမပျက်ရကောင်းလော’ဟု တွေးကာ ရာဇမာန် အဆိပ် ငယ်ထိပ်သို့ တက်လာ၏။ ငချစ်ညိုအား စိတ်နှလုံးညှိုးချုံး အားငယ်အောင် လုပ်လိုစိတ် များ ပိုမိုပြင်းပြလာ၏။

“ဟေး သူဖုန်းစား၊ အညတြ ငချစ်ညို။ မင်းကိုယ်မင်း ဘာထင်နေလဲ။ အခု မင်းဟာ သေမင်းရဲ့ခံတွင်း မီးတောက်ထဲကို သွားနေတာဟ။ မကြာခင် အဲဒီမီးတောက်တွင်းမှာ မင်း လောင်ကျွမ်းပြာကျရတော့မှာဟ၊ သိရဲ့ လား”

မင်းခွေးချေးက ခံပြင်းစိတ်နှင့် ဒေါသတကြီး အော်ဟစ်ရင်းမှ...

“ဒါပေမဲ့... ခုပဲ မင်းကို ငါသနားစိတ်ဝင်လာတယ်။ မင်းအဖြစ်အတွက် ငါရှေ့တော်မှောက် ဒူးထောက် ခစားပြီး တောင်းပန်လိုက်စမ်း...။ အဲဒီလို တောင်းပန်ရင် နင့်အပြစ်ကို ငါလျော့ပေါ့ စဉ်းစားတော် မူမယ်...” ဟုလည်း မိန့်ကြားလိုက်ပြန်၏။

ငချစ်ညိုသည် လှမ်းနေသော ခြေလှမ်းကိုတုန့်ကနဲရပ်လိုက်၏။ မင်းခွေးချေးက သည်တခါ သူ့စိတ်အာသာ ပြေတော့မည်၊ သူ့ခြေတော်ရင်း ငချစ်ညိုဝပ်စင်းခစားတော့မည်အထင်နှင့် သူ့ကိုယ် သူ နေရာပြင်ထိုင်လိုက်သည်။ သို့ရာတွင် ငချစ်ညိုကား ဦးလည်းမညွှတ်၊ ဒူးလည်းမထောက်၊ တောင်းပန်စကားလည်းမဆို၊ မင်းခွေးချေးကိုသာ စက်ဆုပ်ရွံရှာစွာစိုက်ကြည့်နေသည်။ ငချစ်ညို၏ အပြုအမူကြောင့် မင်းခွေးချေးအနေကြပ်ကာ တုန်လှုပ်စွာ မျက်ခုံးပင့်လိုက်သည်။ ငချစ်ညိုနှင့် မျက်လုံးချင်းမဆုံမိအောင်လည်း ကြိုးစားလိုက်သည်။

ငချစ်ညိုသည် စက်ဆုပ်ရွံရှာစွာ စူးစူးရဲရဲကြည့်နေရင်းမှ မင်းခွေးချေး၏ မျက်နှာအား ထွီကနဲ တံထွေးဖြင့် လှမ်းထွေးလိုက်သည်။ မင်းခွေးချေး၏ဦးခေါင်း နောက်ဘက်သို့ ဆတ်ကနဲ လန်သွားသည်။ မျော်လင့်မထားသောအဖြစ်ကြောင့် ဒေါသအမျက်ချောင်းချောင်းထွက်ကာ မင်း ခွေးချေးတကိုယ်လုံး ဆတ်ဆတ်တုန်လာသည်။

‘ဒီဇနပုဒ်သား သူဖုန်းစားကို ခုချက်ချင်း သံကျပ်စင်ပေါ်တင်လိုက်ကြစမ်း ဟေ့’

ပါးကွက်သားများသည် သံလှောင်အိမ်တံခါးကို သံချိတ်ဖြင့် ဆွဲဖွင့်လိုက်ကြသည်။ ထိုနောက် ငချစ်ညိုကို ဖမ်းချုပ်ကာ သံကျပ်လှောင်အိမ်အတွင်း သွင်းလိုက်ပြီး သံတံခါးကို အသေပိတ်လိုက် ကြတော့သည်။

မင်းခွေးချေးသည် ကိုယ်ကိုရှေ့သို့ကိုင်းကာ မျက်လုံးအ၀ိုင်းသားနှင့်ကြည့်နေ၏။ သူ စောင့်စားနေသည့် အချိန်ကိုရောက်လာခဲ့ပြီ။ ငချစ်ညိုသည် မီးကျီးမီးတောက်ပေါ်မှ သံလှောင် ချိုင့်ထဲတွင် ဟိုပြေးသည်လွှား၊ ကယ်ပါ ယူပါ ဟစ်အော်ငိုကြွေးနေမည်ဟု သူယူဆထားသည်။ ဤလိုအချိန်မျိုးတွင် ‘ဘယ်လိုလဲ... သူရဲကောင်းကြီးရဲ့’ ဟု သရော်လှောင်ပြောင်ကာ အားပါးတရ ဟားတိုက်ရယ်မောလိုက်မည်ဟုလည်းကြံရွယ်ထား၏။ သို့သော် သူထင်သလို ကားဖြစ်မလာချေ။ ငချစ်ညိုသည် သူရောက်ရာနေရာတွင် မတ်မတ်ရပ်လျက် မင်းခွေးချေးဘက်သို့တည့်တည့်မူကာ စိမ်းစိမ်းကြည့်လျက်ရှိသည်။ ထိုနောက် ကျားပျိုတကောင်ဟိန်းသလို ကျယ်လောင်စွာ အော်ဟစ် ပြောဆို လိုက်လေသည်။

“ဟယ်... မင်းခွေးချေး... မင်းကျင့်တရား... တပါးမှ မတည်တဲ့ မင်းဆိုးမင်းညစ်၊ ဒင်း... အကုသိုလ်အမှုကြောင့်... ငါတို့ပြည်သူတွေ ဒုက္ခပင်လယ်ဝေခဲ့ပြီ... ထိုအမှုကို မရှုနိုင်၍ ငါသူပုန်ထ သည်။

အကြောင်းမလှ၍ အရေးနိမ့်ရသော်လည်း သေရမည်ကို ငါမကြောက်၊ နောက်ဘ၀ ဆုံခွင့်ရလျင် သင့်ဦး ခေါင်းကိုဖြတ်၍ အရပ်တကာလှည့်ကာ ငါပြမည်။

ယခုဘ၀ ငါ့ခန္ဓာကိုယ်ကို သင်သတ်လိုက်နိုင်သော်လည်း ဆင်းရဲသားနင်းပြားတို့ အပေါ်ထားရှိသော ငါ့ ‘ချစ်စိတ်’ကို သင်ဘယ်တော့မှမသတ်နိုင်။

ငါ့အား အရှက်ခွဲလိုသော်လည်း တကယ်အရှက်ကွဲသူမှာ သင်သာဖြစ်၏။

ငါ့အား ဟားတိုက်လှောင်ပြောင်လိုသော်လည်း တကယ်အလှောင်ပြောင်ခံရသူမှာ သင်သာ ဖြစ်၏။

ငါ့အပေါ် အနိုင်ယူလိုသော်လည်း ရှုံးနိမ့်သူမှာ သင်သာဖြစ်၏။

ဟေး ... မင်းခွေးချေး... သံသရာမှာ ကျင်လည်ရသရွေ့ သင်အားဘက်ပြိုင်ရန် ငါ ... ဒီနေရာက စိန်ခေါ်လိုက်ပြီ၊ ငါ စိန်ခေါ်လိုက်ပြီဟေ့”

ထိုနောက်ငချစ်ညိုသည် မင်းခွေးချေး၏ တုန်ရင်ခြောက်ခြားနေသော မျက်နှာကို လှမ်းကြည့်ကာ ကြောက်ခ မန်းလိလိ ကျယ်လောင်စွာ ဟားတိုက်ရယ်မော လိုက်လေသည်။

သံကျပ်စင်အောက်မှ မီးတောက်သည် အရှိန်မပြင်းလှသေး။ ငချစ်ညိုအား တဖြည်းဖြည်း တငွေ့ငွေ့ လောင်ကျွမ်းသွားစေလို၍ မီးကိုယ်သင့်ရုံမျ ထည့်ထားစေခဲ့ခြင်းဖြစ်သည်။ စောစောကမူ ဆင်းရဲသားလယ်သမား အပေါင်းက လူစွမ်းကောင်းကြီးဟု အထင်ရှိနေသော ငချစ်ညိုအား သံကျယ်စင်ပေါ်တွင် ဟိုပြေးသည်လွှား ကယ်ပါ၊ ယူပါ တစာစာဟစ်အော်ငိုကြွေးစေခြင်းဖြင့် အရှက်တကွဲအကျိုးနဲဖြစ်စေအံ့ဟု သူမျော်လင့်ထားသည်။ ယခုမူ အရှက်ခွဲရန်ကြံစည်သူ၊ သူ ကိုယ်တိုင် အရှက်ကွဲရပြီ။ ငချစ်ညို၏ ဒုက္ခကို ဟားတိုက်ရယ်မောလှောင်ပြောင်မည်ဟု သူကြံရွယ် ထားသော်လည်း ငချစ်ညို၏ ဟားတိုက်ရယ်မောစိန်ခေါ်မှုကိုသာ သူခံလိုက်ရသည်။ ငချစ်ညိုသည် သူ့ရှေ့မှောက်တွင် ဒူးလည်းမထောက်ခဲ့၊ ဦးလည်းမညွတ်ခဲ့။ တောင်းပန်စကားဆိုရန်ကားဝေးစွ။ သူ့မျက်နှာကိုပင် တံတွေးနှင့်ထွေးခဲ့သေးသည်။ သံကျပ်စင်ပေါ်ရောက်တော့လည်း ခြောက်ခြားဖွယ် စကားများဖြင့် သူအား တိုက်ခိုက်ပြန်သည်။ မင်းခွေးချေးသည် ငချစ်ညိုထံမှ ပြင်းထန်သော စကားလုံးများ၊ စိန်ခေါ်မှုများ ထပ်မံထွက်ပေါ်လာမည်ကို အကြီးအကျယ် ထိတ်လန့်တုန်လှုပ်ကာ...

“ထင်းတွေ၊ မီးကျီးပြာပူတွေ များများထည့်ပြီး၊ ခွေးမျိုးသူဖုန်းစား ငချစ်ညိုကို မြန်မြန် မီးကျမ်းအောင် လုပ်လိုက်ကြစမ်းဟေ့” ဟု အရူးတယောက်လို ဒေါသတကြီး အော်ဟစ်အမိန့်ပေး လိုက်လေသည်။

အာဏာသားတို့သည် အမိန့်အတိုင်း ထင်းများ ပြာပူ၊ မီးကျီးမီးခဲများကို ငချစ်ညိုကိုယ်ပေါ် သို့ အထပ်ထပ် ပစ်တင်ပို့လိုက်ကြသဖြင့် ငချစ်ညိုလည်း မီးကျီးမီးလျံရဲရဲအောက်တွင် ပျောက်ကွယ် သွားရလေတော့သည်။

စောစောက အနောက်တောင်ဆီတွင်ညို့နေသော မိုးသားတိမ်တိုက်တို့သည် လူသတ်ကွင်း ကြီးပေါ်သို့ ရောက်လာကာ သဲကြီးမဲကြီးထစ်ချုန်းရွာချလာလေ၏။ လူသူပရိသတ်အပေါင်းလည်း မိုးရေတို့ဖြင့် ရွှဲရွှဲစို နစ်ကုန် သည်။ သူတို့မျက်လုံးအိမ်များဆီမှ အဆက်မပြတ်စီးကျလာသော မျက်ရည်များသည်လည်း မိုးရေများဖြင့် ရောနှော သွားကြလေသည်။

“ငချစ်ညိုဟာ ငါတို့ရဲ့သူရဲကောင်းပဲ” ထိုနှုတ်မြွတ်စကားကို ရေရွတ်မြည်တမ်းရင်း လူသတ် ကွင်းအတွင်းမှ တရွေ့ရွေ့ထွက်ခွာလာကြသော လူထုပရိသတ်အပေါင်းသည် ငချစ်ညို၏၀ိဉာဉ်ကို သူတို့၏နှလုံးအိမ်တွင်း ကြင်နာစွာ ထွေးပွေ့ သယ်ဆောင်လာခဲ့ကြလေသည်။ ။

မြတ်နိုး

(၀န်ခံချက်) အမျိုးသားဦးလှဒင် ဘာသာပြန်သော မောရစ်ကောလစ်ရေး She was a Queen ထဲမှ ဇာတ်ကွက် တခုကို မှီငြမ်းရေးဖွဲ့ပါသည်။