Thitsar: ‘လူထုက အဆင်သင့်မဖြစ်သေး’ လို့ပြောတာရဲ့အဓိပ္ပာယ်

ရဲဘော်ညိုဇင်

(၁) ဗကပ ပြောရေးဆိုခွင့်ရှိသူက သူ့ထုတ်ပြန်ချက်မှာ ‘လူထုက အဆင်သင့်မဖြစ်သေးဘူးဆိုတာ ကိုလည်း သတိပြုမိပါတယ်’ လို့ ဆိုထားတယ်။ ဘာ့ကြောင့် အခုလို အခိုင်အမာယတိပြတ် ပြောခဲ့ ပါသလဲ။ အကြောင်းအချက် (၂) ခုကြောင့် ပြောတာပါ။

နံပါတ် (၁) အချက်က နိုင်ငံတကာအသိုင်းအ၀န်းက ဗမာပြည်အရေးမှာဝင်ပြီး သြဇာနဲ့ ရှင်းပေး လာမှာပဲလို့ထင်တဲ့ ထင်ယောင်မှားမှုကို ရှင်းမပစ်နိုင်သေးလို့ ဖြစ်တယ်။ နံပါတ် (၂) အချက်က ပြတ်သားတဲ့ နိုင်ငံရေးအတွေးအခေါ် မရှိသေးလို့ ဖြစ်တယ်။

(၂) လူထုက သူ့အလိုလို ထင်ယောင်မှားမှုဖြစ်တာ မဟုတ်ပါဘူး။ ပြည်တွင်းပြည်ပ နိုင်ငံရေး အင်အားစုတွေရဲ့ ‘လော်ဘီလမ်းစဉ်’ (Lobby Line) ကနေ ကူးစက်လာတာပါ။

‘လော်ဘီလမ်းစဉ်’ကလည်း ‘၉ လေးလုံးကြံဆချက်’ လျောမွေးဖြစ်ပြီးကတည်းက အားကောင်း မောင်းသန် ပေါ်လာတာပဲ။ ‘၉ လေးလုံးကြံဆချက်’ ရဲ့ဇောင်းပေးမှုဟာ မှန်ကန်ပါတယ်။ ပြည်တွင်း လုပ်ငန်းကို ဇောင်းပေးပါတယ်။ ပြည်တွင်းလူထုကို စည်းရုံးရေးပစ်မှတ်ထားပါတယ်။ သူ့အားနည်း ချက်က ပြင်ဆင်ချိန် မလုံလောက်တာနဲ့ အင်အားစုဆောင်းမှုကို မြေအောက်နည်းနဲ့ စိတ်ရှည် လက်ရှည်မလုပ်ဘဲ တိုက်စည်တိုက်မောင်းနှက်ပြီး ရက်ချိန်းပေးတဲ့ ပြောင်လုပ်နည်း လုပ်ခဲ့လို့ပါ။

ပြည်တွင်းဇောင်းပေးတာ မအောင်မြင်တော့ ပြည်ပဇောင်းပေးတဲ့ အလုပ်ကို အဓိက လုပ်လာကြတော့တယ်။ အဲဒီလိုနဲ့ ‘လော်ဘီလုပ်ငန်း’ က လမ်းစဉ်တရပ်လို ဖြစ်လာတာပဲ။ လော်ဘီရဲ့ ပစ်မှတ်က နိုင်ငံခြားတိုင်းပြည်က အစိုးရတွေနဲ့ လူထုကို စည်းရုံးတာ ဖြစ်နေတယ်။ ပြည်ပ မြို့တော်တွေမှာ ဆန္ဒပြတာတွေ လုပ်လာတယ်။ ဆန္ဒပြတာ ကောင်းပါတယ်။ ၀ါဒဖြန့်ချိရေးတန်ဖိုး ရှိပါတယ်။ ဒါပေမဲ့ ပြည်တွင်းလူထုကိုတော့ လှုံ့ဆော်နိုင်တဲ့တန်ဖိုးနဲ့ စည်းရုံးနိုင်တဲ့တန်ဖိုးတော့ မရှိသလောက်ဖြစ်တယ်။ လူထုထဲမှာ “သူတို့ကတော့ ဟိုရောက်နေတာကိုး လုပ်နိုင်ပေတာပေါ့” ဆိုတဲ့ စိတ်ကူးကိုပဲ ဖြစ်ပေါ်စေတယ်။

အဲဒီလိုနဲ့ ဆန္ဒပြရတဲ့ နိုင်ငံတွေရဲ့အ၀န်းအ၀ိုင်းက ကြာလေကျယ်လေ ဖြစ်လာတာပဲ။ ဒီလို ဖြစ်တာလည်း မဆန်းဘူး။ ဘာကြောင့်လဲဆိုတော့ နိုင်ငံတကာအသိုင်းအ၀န်းကို ဗမာပြည်အရေး မှာ သြဇာသုံးပြီး ပါဝင်ဖြေရှင်းပေးစေချင်တာကိုး။ အမေရိကန်၊ ဗြိတိန်ကို လော်ဘီလုပ်ရတာ ကတော့ လွယ်တယ်။ သူတို့က လော်ဘီမလုပ်လည်း ‘၂၁ ရာစုကို အမေရိကန်ရာစု’ (တကယ်က အင်္ဂလိုဆက်ဇွန် (Anglo-Saxon) လူဖြူတွေရဲ့ရာစု) ဖြစ်ချင်နေတာမို့ ဗမာပြည်အရေးမှာ ၀င်စွက်ချင် နေတာပဲ။ ၀င်ရိုးတခုတည်းရှိတဲ့ ကမ္ဘာ့အစီအစဉ်သစ် New World Order ကို ထူထောင် ချင်နေတာပဲ။ ဒါပေမဲ့ အမေရိကန်၊ ဗြိတိန်တို့က သြဇာပေးချင်တာက ဗမာတပြည်တည်း မဟုတ် ဘူး။ ကမ္ဘာပေါ်က နိုင်ငံတိုင်း၊ တိုင်းပြည်တိုင်းကို သြဇာပေးချင်တာ ဖြစ်နေတယ်။ ဒီတော့ကာ ကလန်ကဆန်လုပ်ချင်သူက များတယ်။ အီရတ်စစ်ပွဲမှာ ဖြစ်ခဲ့တာကိုကြည့်ရင် ရှင်းပါတယ်။

UNSC မှာ တရုတ်၊ ရုရှား ဗီတိုထိတာဟာလည်း အဲဒါပါပဲ။ လွန်ပွဲကိစ္စက အခရာပါပဲ။ ဗမာပြည်အရေးနဲ့ ပတ်သက်တဲ့ နိုင်ငံတကာ့အသိုင်းအ၀န်းဆိုတာ ကုလသမဂ္ဂလုံðခံရေးကောင်စီ UNSC နဲ့ ASEAN အရှေ့တောင်အာရှ အဖွဲ့လောက်ပဲ ရှိတာပါ။ ASEAN ဆိုတာကလည်း အင်အား ကြီးတွေရဲ့အဖွဲ့ မဟုတ်ဘူး။ စဖွဲ့တုန်းက ရည်ရွယ်တာကတမျိုး အခုတော့တမျိုး ဖြစ်နေတာပါ။ UNSC ပဲ အဓိကကျတာပါ။ UNSC မှာ ပင်တိုင်ပါနေမှာက ကြီး (၅) ကြီးပါ။ အဲဒီကြီး (၅) ကြီးက လည်း ကုလသမဂ္ဂစဖွဲ့တုန်းကသာ (ဂျာမဏီ၊ ဂျပန်၊ အီတလီကိုနှိမ်ဖို့) ညီညွတ်ခဲ့ကြတာပဲ။ ၁၉၄၅ ခုက ရေးထားတဲ့ ကုလသမဂ္ဂပဋိညာဉ်စာတမ်းကို ပြန်ဖတ်ကြည့်ပါ။ အခုခေတ်မမီတော့ဘူး။ ဒါပေမဲ့ ဘယ်သူ့မှာမှ ပြင်နိုင်တဲ့အား မရှိဘူး။ ကမ္ဘာကြီးက ပြောင်းလဲခဲ့ပြီ။ ဟိုတုန်းက ရန်သူက မိတ်ဆွေ ဖြစ်နေပြီ။ ဟိုတုန်းက မိတ်ဆွေက ရန်သူဖြစ်နေကြပြီပဲ။ ဒါပေမဲ့ မပြင်နိုင်ဘူး။ ကမ္ဘာ့စနစ်အသစ် အတွက် လွန်ပွဲပြတ်သွားမှပဲ ပြင်နိုင်ကြမှာ ဖြစ်တယ်။ အခုအထိတော့ (လွန်ပွဲ) ပြတ်ဖို့ မမြင်ပါဘူး။

ဗမာပြည်အရေးဟာ အင်အားကြီးတွေရဲ့ ဦးစားပေးအရေးလည်း မဟုတ်လေတော့ အခု လိုပဲ အခါအခွင့်ကောင်းရင် ဗမာပြည်ကိစ္စကို UNSC မှာအမေရိကန်က ဖော်ပေးလိုက် တရုတ်၊ ရုရှား က ဗီတိုနဲ့ ပယ်ချလိုက်၊ အဲဒီလို သံသရာလည်နေမှာပါ။ အမေရိကန်ရဲ့ အခါအခွင့်ကောင်းကလည်း ပေါ်ဖို့ တော်တော်စောင့်ရမယ် ထင်ပါတယ်။ UNSC ရဲ့ အလှည့်ကျအဖွဲ့ဝင် ၁၀ နိုင်ငံက အမြဲတမ်း (၂ နှစ်တခါ) ပြောင်းနေတာပါ။

သန်းရွှေစစ်အုပ်စုကတော့ ခပ်တင်းတင်းပဲ။ RM လမ်းကြောင်းအတိုင်း ချီတက်နေပါ တယ်။ မိမိတို့က စောင့်နိုင်ကြပါ့မလား။ နောက်တခုပြောရမှာက သန်းရွှေစစ်အုပ်စုအပေါ် ဘယ်နိုင်ငံက သြဇာရှိသလဲဆိုတာပါ။ ကျန်တော်တို့ရဲ့ (အတွေ့အñကံအရ) ရဲရဲပဲ ပြောပါမယ်။ ဘယ် နိုင်ငံမှ သြဇာမရှိပါဘူး။ ဗမာပြည်ရဲ့ ပြည်သူလူထုကပဲ သြဇာရှိတာပါ။ ၁၉၆၀ က ဆိုရှယ်လစ် စစ်အုပ်စုကို သြဇာပေးခဲ့တာ လူထုပဲ။ ၁၉၈၈ ကလည်း မဆလ စစ်အုပ်စုကို သြဇာပေးခဲ့တာ လူထုပါပဲ။ နောင်မှာလည်း ဘယ်စစ်အုပ်စုကိုမဆို သြဇာပေးနိုင်မှာက လူထုပဲ ဖြစ်ပါတယ်။

(၃) ပြတ်သားတဲ့နိုင်ငံရေးအတွေးအခေါ်ပေါ်ရေးက မျက်မှောက်ကာလရဲ့ သော့ချက်ဖြစ်တယ်။ ပြောရေးဆိုခွင့်က ထွက်မပြောဘဲ နေခဲ့တာ အတော်ကြာတယ်။ အခြေအနေကို စောင့်ကြည့်အကဲ ခတ်ချင်လို့ နှုတ်ဆိတ်နေခဲ့တာပဲ။ အိုးကမပူ စလောင်းကပူ မြင်းကမလှုပ် ခုံကလှုပ် မလုပ်ချင်လို့ပဲ။

အစောကြီးကတည်းက ဒီတချီပွဲဟာ NLD ရဲ့ နောက်ဆုံးတိုက်ပွဲလို့ ဗကပ က ပြောထား ပါတယ်။ NLD(CEC) က ဘာလုပ်မလဲ ဆိုတာကို စောင့်ကြည့်နေတာပါ။

နအဖ ကတော့ ပြတ်ပါတယ်။ ဗိုလ်သိန်းစိန်မိန့်ခွန်းဟာ ‘အခြေခံဥပဒေ’ ကို မထိနဲ့ ထိရင်ဖိနှိပ်ပစ်မယ်လို့ ခြိမ်းခြောက်တာက အဓိက ဖြစ်တယ်။ ချစ်တီးခေါင်း သန်းရှာသလို ဥပဒေ တွင်းကနေ ဘာလုပ်ကွက်ရှိသေးသလဲ ရှာနေလို့ မရတော့ပါဘူး။ ‘အခြေခံဥပဒေ’ ကို ဘယ်လို သဘောထားတယ်ဆိုတာလောက်တော့ NLD ခေါင်းဆောင်မှုက ပြောသင့်ပါပြီ။ ပြတ်သားတဲ့ နိုင်ငံရေးအတွေးအခေါ်ကို ပေးသင့်ပါပြီ။ ဒေါ်အောင်ဆန်းစုကြည် လွတ်လာမှ သဘောထား စုစည်း မယ်ဆိုရင် သိပ်နောက်ကျပါလိမ့်မယ်။ ဆန္ဒခံယူပွဲကို (နေ၀င်းနည်း နေ၀င်းဟန်နဲ့) သန်းရွှေစစ်အုပ်စု က လုပ်တော့မှာပါ။ ဗမာပြည်နိုင်ငံရေးမှာ ပင်မပါတီတိုင်းမှာ ပါဖူးတဲ့ အခုတော့ လစ်ဘရယ်ဝါဒီပါလို့ ပြောနေတဲ့ သခင်တင်မြကတော့ ‘အခြေခံဥပဒေ’ အတည်ဖြစ်မှာပါလို့ ပြောနေတယ်။ သန်းရွှေက လည်း နေ၀င်းရခဲ့တဲ့ ထောက်ခံချက်ရာနှုန်း မရတောင်မှ ရာခိုင်နှုန်းအတော်များများရဖို့ ဖိအားပေး မယ့် အခြေအနေ ရှိပါတယ်။

ဒေါ်အောင်ဆန်းစုကြည်က ရန်ကုန်မှာပဲ ရှိတာပါ။ ဖြစ်တဲ့နည်းနဲ့ သူ့သဘောထားရအောင် စုစည်းဖို့ လိုပါတယ်။ ဥပဒေတွင်း နည်းလမ်းပဲ စဉ်းစားနေရင်တော့ သူ့သဘောထားရဖို့ မလွယ် ပါဘူး။ ဖြစ်တဲ့နည်းနဲ့ (ဖြစ်တဲ့နည်းနဲ့) စုစည်းဖို့ ‘ဗကပ’ က ပြောနေတာပါ။

အခြေခံဥပဒေ အတည်ဖြစ်သွားပြီးမှ DASSK ကို လွှတ်ပေးလာရင် ရွေးကောက်ပွဲ (အသစ်) ၀င်လည်းအခက်၊ မ၀င်လည်းအခက် တွေ့ပါလိမ့်မယ်။

ပြတ်သားတဲ့ နိုင်ငံရေးခေါင်းဆောင်မှုကို NLD က ပေးစေချင်ပါတယ်။ (စစ်အုပ်စု အခြေခံ ဥပဒေကို ဝေဖန်ကြ၊ ကန့်ကွက်ကြ) ဆိုတဲ့ ဆောင်ပုဒ်လောက်ပဲ ထုတ်ပြန်ပေးနိုင်ရင်ပဲ ရပါပြီ။ ဟိုတုန်းက ထွက်ရပ်ဂိုဏ်းခေါင်းဆောင်တွေက “အင်္ဂလိပ်အခက် ဗမာ့အချက်” ဆောင်ပုဒ် ထုတ်ပေး ခဲ့သလိုမျိုး လုပ်ဖို့ပါ။

(၄) နိဂုံးချုပ်။ မှန်ကန်တဲ့အတွေးအခေါ်လမ်းစဉ်(ဆောင်ပုဒ်)ရရင် လူထုကို အဆင်သင့်ဖြစ်အောင် ပြင်ဆင်ရေးလုပ်ဖို့ လွယ်သွားပါပြီ။ အချိန်သိပ်များများ မလိုပါဘူး။

“လော်ဘီလမ်းစဉ်”ကတော့ ပြည်ပထွက်ပြီးလုပ်မှရတဲ့ အလုပ်ဖြစ်ပါတယ်။ လူထုပါအောင် လုပ်တဲ့လမ်းစဉ် မဟုတ်ပါဘူး။ ပြည်တွင်းမှာ လုံးဝလုပ်မရပါဘူး။ ပြည်ပထွက်ပြီး လုပ်ကြတာ များလာရင်လည်း သန်းရွှေစစ်အုပ်စုနဲ့ နောက်ပိုင်းပေါ်လာမယ့် စစ်အုပ်စုတွေကို ‘ပြည်တွင်းမှာ ထင်ရာစိုင်းခွင့်’ လိုင်စင်ထုတ်ပေးခဲ့သလိုပဲ ဖြစ်ပါလိမ့်မယ်။