Thitsar: ၈၈ အရေးတော်ပုံနှင့် လယ်သမားထုတောင်းဆိုသော ဒီမိုကရေစီ

မောင်စိုးချိန်

(က)

အရေးတော်ပုံကြီးတခုပေါ်ထွန်းလာရန် နှစ်အတော်အတန်စောင့်ရသည်။ အရေးတော်ပုံ တခုသည် ဘာကိုပြသလဲ။ လူထုတ ရပ်လုံး၏ဘ၀တွင် အမြစ်စွဲ ခိုအောင်းနေသောခံစားမှုများနှင့် အတွေးအခေါ်များကိုအလုံးအရင်းနှင့် ပြသလိုက်ခြင်းဖြစ်သည်။ တော်လှန်ပုန်ကန်မှုဆန့်ကျင်မှု တို့က ပါလာခဲ့ပြီးဖြစ်သည့်အတွက် ထိုခံစားမှုနှင့်အတွေးအခေါ်က ပြင်းထန်တက်ကြွသည်ဟု ဆိုရ မှာ ဖြစ်သည်။ ထို တော်လှန်ပုန်ကန်မှု၊ ဆန့်ကျင်မှုတို့ကလည်း၊ လူမှုစနစ်ဟောင်းနှင့် ထိုအဟောင်း ကို ဖက်တွယ်နေသည့် အုပ်စိုးသူတို့ကို ဆန့်ကျင်ပုန်ကန်ရခြင်းဖြစ်သဖြင့် တော်လှန်ရေးဖြစ်လာ ခဲ့သည်။ အဟောင်းမလိုချင်းဘူး အသစ်နှင့်သွားမည်။ စုတ်ချာဆွေးမြေ့နေသည့် အဟောင်းကိုဖက် တွယ်နေသူကတဖက်၊ လွတ်လပ်အေးငြိမ်းမည့် အသစ်ကိုတောင်းဆိုသူတို့ကတစ်ဖက်။ လူထုသည် အသစ်ကိုတောင်းဆိုရာ၌ အဟောင်းကို နာကျင်စွာမောင်းထုတ်လေသည်။ ထို့ကြောင့်အရေးတော်ပုံ တခုသည် ဘ၀ကို လှစ်ဟဖွင့်ဆိုမှုတွေ ပါလာသည်။ ဘ၀၏ဒဏ်ရာဒဏ်ချက်များကို ဖော်ထုတ်ပြသ မှုတွေ ပါလာသည်။ ဘ၀နှင့်ဆီလျော်အပ်စပ်မည့် တောင်းဆိုမှုတွေပါလာခဲ့သည်။ ဘ၀သစ်အတွက် တောင်းဆို မှု။

အရေးတော်ပုံတခုကို တနည်းအားဖြင့် အမျိုးသားပြည်သူလူထုအသီးသီး ပါဝင်သည့် အမျိုးသားညီလာခံတခုဟု ဆိုရမှာဖြစ်သည်။ အရေးတော်ပုံသည် အမျိုးသား ညီလာခံဖြစ်လာ ခဲ့သဖြင့် တိုင်းပြည်တခုလုံး၏မြေပြင်သည် ညီလာခံကျင်းပရာ မြေအပြင်ဖြစ်လာ ပေတော့သည်။ လူထုအသီးသီး၏ ဆန္ဒသဘောထားများကို အဟောင်းဖက်တွယ်ရေးအုပ်စုက သေနတ် စစ်တပ်ဖြင့် ဖိနှိမ်ချေမှုန်းသည်။ ထိုသို့ဖိနှိပ်သတ်ဖြတ်လေ လူထုက သဘောထားဆန္ဒတွေကို ပြင်းပြင်းထန်ထန် ထုတ်ပြရလေလေ။ ဤသို့ဖြင့်အရေးတော်ပုံသည် တိုက်ပွဲကြီးငယ် အသွယ်သွယ်တို့နှင့် အတိပြီး သော၊ တိုက်ပွဲလှိုင်းတံပိုးတို့ ထကြွသောတိုက်ပွဲပင်လယ်ကြီး ဖြစ်လာခဲ့သည်။

(ခ)

လူတန်းစားအသီးသီးသည် ထိုတိုက်ပွဲအရေးတော်ကြီး မြစ်မရေစီးထဲသို့ အဟုန်ဖြင့် စီးဆင်းဝင်လာခဲ့ကြသည်။ အလုပ်သမားများ၊ လယ်သမားများ၊ ပညာတတ်များ၊ အောက်ဆုံးအလွှာ ပစ္စည်းမဲ့များ၊ လက်လုပ်လက်စားများ၊ ပျံကျများ၊ အသိပညာရှင်များ၊ အတတ်ပညာရှင်များ၊ အနု ပညာရှင်များပါဝင်သည့် ယဉ်ကျေးမှုလုပ်သားများ စသည်တို့ စီးဆင်းဝင်လာခဲ့သည်။ လူမျိုးပေါင်းစုံ လူတန်းစားအလွှာ အသီးသီးသည် စစ်အာဏာရှင်စနစ်ဖျက်သိမ်းပစ်၊ တပါတီအာဏာရှင်စနစ် ဖျက်သိမ်းပစ် ... ဟစ်ကြွေးတောင်းဆိုသံနှင့်အတူ ဒီမိုကရေစီ ရရှိရေးကိုပါ တောင်းဆိုခဲ့ကြသည်။

ဖက်ဆစ်နှင့် ဒီမိုကရေစီသည် လုံးဝဆန့်ကျင်သည်။ စစ်အာဏာရှင်စနစ်နှင့် ဒီမိုကရေစီ သည် ပြဒါးတလမ်း သံတလမ်းဆန့်ကျင်သည်။ လူမျိုးပေါင်းစုံ လူတန်းအသီးသီးတောင်းဆိုသော ဒီမိုကရေစီသည် အသစ်ဖြစ်သော ဒီမိုကရေစီ။ တချို့နိုင်ငံရေးသမားများနှင့် ပညာရှင်များက “အထွေထွေဒီမိုကရေစီ” ဟု ကမ္ပည်းထိုသည်။ မည်သို့ပင်ဖြစ်စေ အမှောင်ခေတ်လူ့အဖွဲ့အစည်း ဟောင်းထဲက လူထု တောင်းဆိုသော ဒီမိုကရေစီမှာ ဒီမိုကရေစီသစ်ဖြစ်သည်။ လွတ်လပ်စွာ ရေးသားခွင့်၊ ပြောဆိုခွင့်၊ လွတ်လပ်စွာဖွဲ့စည်းခွင့်၊ တောင်းဆိုခွင့်၊ လွတ်လပ်စွာဆန္ဒပြခွင့်၊ ကိုယ့်ကြမ္မာကိုယ်ဖန်တီးခွင့်၊ လွတ်လပ်စွာတင်ပြခွင့်၊ လွတ်လပ်စွာအစိုးရဖွဲ့စည်းခွင့်၊ မဲပေးခွင့်၊ တိုင်းရင်းသားလူမျိုး အသီးသီးကလည်း ကိုယ်ပိုင်ပြဌာန်းခွင့်၊... ... စသည့် ဒီမိုကရေစီ လွတ်လပ်မှု ကို အရယူလိုကြခြင်းဖြစ်သည်။ ဒီမိုကရေစီသစ်၏ ကျန်အင်မှာ လွတ်လပ်ခြင်း၊ မျှတခြင်းပင် ဖြစ်သည်။

(ဂ)

၈၈ အရေးတော်ပုံကြီးတွင် အကြီးမားဆုံးနှင့်အဖိနှိပ်အခံရဆုံး လယ်သမားထုကြီးသည် အခြားသောလူမျိုးစုံ လူတန်းစားအသီးသီး တို့နှင့်အတူ တိုက်ပွဲဝင်လာခဲ့ကြသည်။ ၁၉၆၂ မှ ၈၈ အတွင်း ၂၆ နှစ်တာကလအတွင်း ဆုံးရှုံးလက်လွတ်ခဲ့သည့် ရပိုင်ခွင့်များကို တိုက်ပွဲဝင်ကာ တောင်းဆိုခဲ့ကြခြင်းဖြစ်သည်။ ဒီမိုကရေစီရရှိရေး ဒို့အရေးဟု တချက်တောင်းဆိုလိုက်တိုင်း သူတို့၏ပိုင်ဆိုင်ခွင့်၊ ရပုိုင်ခွင့် များမှာ တပါတည်းပါလာပြီးသားဖြစ်သည်။ မြေယာနှင့်ပတ်သက်သော အခွင့်အရေးများပင်ဖြစ်သည်။ ၆၃ - ၆၄ မှစ၍ မြေ၊ ယာ၊ ဥယျာဉ် ခြံမြေများ အသိမ်းခံကြရသည်။ နေ၀င်းစစ်အုပ်စုသည် မြေရှင်ကြီးများဖြစ်လာခဲ့သည်။ လယ်သမားများမှာ သီးစားလယ်သမား ဘ၀ သို့ ချက်ခြင်းလျောကျသွားသည်။ စိုက်ပျိုးမှု၊ ကြိတ်ခွဲ၊ သယ်ယူမှုတို့ ဘာတခုမှ မလွတ်လပ်တော့။ သီးစားလယ်သမားသည် အခြားသောအဖိ နှိပ်ခံများနှင့်အတူ စစ်ကျွန်ဘ၀ရောက်လာခဲ့သည်။

သီးစားလယ်သမားစစ်ကျေးကျွန်များသည် သမန်းလယ်ကွက်မှ မြို့တော်လမ်းမအထိ မဆလရုံးချုပ်အထိ ချီတက်လာခဲ့ကြပြီး၊ တိုက်ပွဲဝင်တောင်းဆိုခဲ့သည့် ဒီမိုကရေစီထဲတွင် လယ်လုပ် သူ လယ်ပိုင်ဆိုင်ခွင့်အပါအ၀င် အခြားအခွင့်အရေးများပါဝင်သည်။ လွတ်လပ်စွာ စိုက်ပျိုးထုတ်လုပ်၊ ပိုင်ဆိုင်ထားသောလယ်ယာဥယျာဉ်ကိုလှူခွင့်၊ အမွေပေးခွင့်၊ ရောင်းချပေါင်နှံခွင့်တို့ ပါဝင်သည်။ ဆန်စပါးတို့ကို လွတ်လပ်စွာကြိတ်ခွဲခွင့်၊ သယ်ယူခွင့်၊ ရောင်းချခွင့်၊ သိုလှောင်ခွင့်တို့ပါဝင်သည်။ ထို့ပြင် ပညာရေး၊ ကျန်းမာရေးတို့နှင့်ပတ်သက်၍ ဆုံးရှုံးကင်းကွာခဲ့သည့်အခွင့်အရေး၊ ရပိုင်ခွင့်များ ကို ရရှိလိုမှုလည်း ပါဝင်သည်။ မျတမှုညီမျမှုကို ရယူလိုသည်။ ထို့ပြင်လယ်သမားသမဂ္ဂများ၊ လွတ်လပ်စွာဖွဲ့စည်းခွင့် လူထုအစိုးရကို ကိုယ်တိုင်ကိုယ်ကျ ရွေးကောက်တင်မြှောက်ဖွဲ့စည်းခွင့်၊ လယ်သမားများကိုယ်တိုင် လယ်သမား အခွင့်အရေးကို တောင်းဆိုခွင့်၊ အစိုးထဲတွင် ပြည်သူ့ ကိုယ်စားလှယ်အများအဖြစ် ပါဝင်ခွင့်... စသည့်အခွင့်အရေးများကို တောင်းဆိုခဲ့ကြခြင်း ဖြစ်သည်။

၈၈ အရေးတော်ပုံကြီးတွင် လူမျိုးစုံ၊ လူတန်းစားအလွှာစုံပါဝင်ခဲ့သည့် လူထုကြီးက စစ်အာဏာရှင်စနစ်ဖျက်သိမ်းရေးသည် ပန်းတိုင်သို့မရောက်သေး။ ချီတက်တော်လှန်နေရဆဲ ဖြစ်သည်။ ထို့ကြောင့်စစ်အုပ်စုမြေရှင်ကြီးစနစ်အောက်မှ ကျေးလက်မြေယာနှင့် ပတ်သက်သော ဒီမိုကရေစီသစ်တောင်းဆိုမှုမှာ ပျောက်ကွယ်မသွားသည့်အပြင် တိုက်ပွဲ၏တောင်းဆိုမှုအဖြစ် ဆက်လက်ရှင်သန်ထက်မြက်ဆဲ ဖြစ်သည်။

ဇူလိုင်၊ ၂၇၊ ၂၀၀၇