Thitsar: အနာဂတ်မြန်မာ့နိုင်ငံရေးနှင့် ဒေါ်အောင်ဆန်းစုကြည်၏ အရေးပါမှု အခန်းကဏ္ဍ

ရဲသွေးသစ်

အနာဂတ် မြန်မာနိုင်ငံရေး ပြုပြင်ပြောင်းလဲမှုဖြစ်စဉ်များထဲတွင် ဒေါ်အောင်ဆန်းစုကြည်၏ အရေးပါမှု အခန်းကဏ္ဍမှာ ပစ်ပယ်၍မရနိုင်သော အချက်တချက်ဖြစ်ပါသည်။ သူမ၏ နိုင်ငံရေးအရ ဦးဆောင်နိုင်မှု၊ စည်းရုံးရေးစွမ်းအား၊ စွန့်လွှတ်အနစ်နာခံနိုင်မှုနှင့် တိုင်းပြည်အပေါ်ထားသော စေတနာများမှာ သမိုင်းအရဖျောက်ဖျက်မရနိုင်သော မှတ်ကျောက်များပင်ဖြစ်သည်။

သူမအနေနှင့် အဘယ့်ကြောင့်အနာဂတ် မြန်မာ့နိုင်ငံရေးတွင် ပါဝင်သင့်သည်ကို ပြန် လည်သုံးသပ်ကြည့်ရန်လိုအပ်ပါသည်။ ပထမဆုံးအနေနှင့် အချက်တချက်ကို ထောက်ပြရမည် ဆိုလျှင် မြန်မာပြည်သူလူထုတရပ်လုံး၏ သူမအပေါ်ယုံကြည်အားထားမှုနှင့် သူမ၏စည်းရုံးရေး စွမ်းအားကို ထည့်တွက်ကြရမည် ဖြစ်ပါသည်။ ၁၉၉၀ ရွေးကောက်ပွဲအကြိုကာလနှင့် ရွေး ကောက်ပွဲကျင်းပနေစဉ် ကာလများတွင် အမျိုးသားဒီမိုကရေစီအဖွဲ့ချုပ်အနေနှင့် ပြည်သူလူထု တရပ်လုံး၏ ယုံကြည်ထောက်ခံမှုနှင့် မြန်မာ့ဆိုရှယ်လစ်လမ်းစဉ်ပါတီအပေါ် အပြတ်အသတ် အနိုင်ရ၍ လွှတ်တော်အမတ်နေရာ ၈၂ ရာခိုင်နှုန်းရလိုက်ခြင်းကို ပြန်သုံးသပ်ကြည့်မည်ဆိုလျှင် ဒေါ်အောင်ဆန်းစုကြည်၏ စည်းရုံးရေးစွမ်းအားမှာ တိုင်းပြည်ကိုပင်လျှင် အပြောင်းအလဲတခုဆီသို့ ဦးတည်နိုင်စွမ်းရှိသည်ကို တွေ့မြင်နိုင်ပါသည်။

နောက်ဥပမာတခုကို ကြည့်မည်ဆိုလျှင် ၂၀၀၂ ခုနှစ်တွင် သူမနေအိမ်အကျယ်ချုပ်မှလ လွတ်လွတ်ချင်း မြန်မာတနိုင်ငံလုံးသို့ စည်းရုံးရေးခရီးများ သွားရောက်ခဲ့ပါသည်။ နအဖ၏ နေ အိမ်အကျယ်ချုပ်မှ သူမလွတ်မြောက်လာခြင်းကို ကြိုဆိုမှုနှင့်အတူ မြန်မာပြည်အနှံ့တွင်ရှိသော ပြည်သူလူထု၏ သူမအပေါ် တခဲနက်ယုံကြည်ထောက်ခံမှုကို စိုးရိမ်ကြောက်လန့်လာသော နအဖ သည် ၂၀၀၃ မေလ ၃၀ ရက်နေ့ည ဒီပဲယင်းမြို့အနီးတွင် ဒေါ်အောင်ဆန်းစုကြည်၊ ဦးတင်ဦး အပါအ၀င် အမျိုးးသားဒီမိုကရေစီအဖွဲ့ချုပ်ဝင်များ ပါဝင်စီးနင်းလာသော ယာဉ်တန်းအား စနစ် တကျ ခြုံခိုတိုက်ခိုက်၍ ဒေါ်အောင်ဆန်းစုကြည်အား လုပ်ကြံရန်အထိပင်ကြိုးစားသည်ကို ကြည့် ခြင်းဖြင့်သူမ၏ စည်းရုံးရေးစွမ်းအားနှင့် ပြည်သူတရပ်လုံး၏ သူအပေါ်ယုံကြည်မှုမှာ မည်မျှအ ထိမြင့်မားသည် ဆိုသည်ကို သိနိုင်ပါသည်။

မြန်မာနိုင်ငံသည်တိုင်းရင်းသားလူမျိုးပေါင်းစုံ စုပေါင်းနေထိုင်ကြသည့် နိုင်ငံဖြစ်ပါသည်။ သို့သော် ဗမာလူမျိုးအများစုပါဝင်သော အစိုးရအဆက်ဆက်မှ တခြားသော တိုင်းရင်းသား လူမျိုး များအပေါ်တွင် ဖိနှိပ်အုပ်ချုပ်လာခဲ့ခြင်းမှာ ၁၉၄၈ အင်္ဂလိပ်လက်အောက်မှ မြန်မာပြည် လွတ်လပ် ရေး ရပြီးချိန်မှစ၍ယနေ့ကာလတိုင်အောင်ပင်ဖြစ်ပါသည်။ ထို့ကြောင့်ပင် အခြားသော တိုင်းရင်း သားများ၏ ကိုယ်ပိုင်အုပ်ချုပ်ခွင့်၊ တန်းတူညီမျှခွင့်နှင့်အတူ နှစ် ၅၀ ကျော်သက်တမ်း ရှိသော ပြည်တွင်းစစ်မီးသည်လဲ တပြိုင်နက်တောက်လောင်လာခဲ့ပါသည်။ ထို့ကြောင့် မြန်မာနိုင်ငံတွင် မှီတင်းနေနိုင်ကြသည့် တိုင်းရင်းသားလူမျိုးများကြားတွင် အမျိုးသားပြန်လည်ရင် ကြားစေ့ရေးမှာ အနာဂတ်မြန်မာ့နိုင်ငံရေးတွင် အရေးပါသော အခန်းကဏ္ဍမှ ပါဝင်ပါသည်။

၎င်းအပြင် တိုင်းရင်းသားတန်းတူ ညီမျှခွင့်ကို အာမခံသော ပြည်ထောင်စုစစ်စစ် ပြည် ထောင်စုတခု တည်ဆောက်ရေးမှာလဲ လုံးဝပစ်ပယ်၍မရနိုင်သော အခြေခံလိုအပ်ချက်တခု ဖြစ်ပါ သည်။ ထိုသို့သော အခြေအနေများအောက်တွင် မြန်မာ့ဒီမိုကရေစီ ခေါင်းဆောင်များထဲတွင် တိုင်းရင်းသားလူမျိုးပေါင်းစုံ၏ တခဲနက်ထောက်ခံမှုကို ရရှိသောခေါင်းဆောင်မှာ ဒေါ်အောင်ဆန်း စုကြည်သူလျှင်ဖြစ်ပါသည်။ တိုင်းရင်းသားအင်အားစုများကြားတွင် အမျိုးသားပြန်လည် ရင်ကြားစေ့ ရေးနှင့် တန်းတူညီမျှခွင့်ကို ဖော်ဆောင်နိုင်မည့် သူမှာလည်း ဒေါ်အောင်ဆန်းစုကြည်၏ ဦးဆောင်မှု ဖြင့်သာလျှင် အကောင်အထည်ဖော်ဆောင်နိုင်လိမ့်မည်ဟု ပြည်သူတရပ်လုံးမှ ယုံကြည်မျှော်လင့် ထားကြပါသည်။ မြန်မာ့နိုင်ငံသမိုင်းအရ ပြန်ကြည့်မည်ဆိုလျှင်လည်း ဒေါ်အောင်ဆန်းစုကြည်၏ ဖခင်ဖြစ်သော မြန်မာ့လွတ်လပ်ရေးခေါင်းဆောင် ဗိုလ်ချုပ်အောင်ဆန်းသည်လည်း တိုင်းရင်းသား လူမျိုးပေါင်းစုံ၏ ထောက်ခံပူးပေါင်းပါဝင်မှုနှင့်အတူ အင်္ဂလိပ်လက်အောက်မှ မြန်မာ့လွတ်လပ်ရေး ကို အရယူနိုင်ခဲ့သည်ကို ထောက်ရှုခြင်းအားဖြင့် တိုင်းရင်းသား လူမျိုးပေါင်းစုံ၏ ဒေါ်အောင်ဆန်း စုကြည်အပေါ် ယုံကြည်ထောက်ခံမှုမှာ မည်မျှလေးနက်သည်ဆိုသည်ကို သိနိုင်ပါသည်။ ထိုသို့သော အခြေအနေများအောက်တွင် ဒေါ်အောင်ဆန်းစုကြည် မဟုတ်ဘဲ အခြားခေါင်းဆောင် တဦး တယောက်အနေနှင့် တိုင်းရင်းသား လူမျိုးများအားလုံး၏ ယုံကြည်ထောက်ခံမှုကို အပြည့်အ၀ ရရှိနိုင်ရန်မှာ စဉ်းစားစရာ အချက်တချက်ဖြစ်ပါသည်။

တဖက်မှလဲ နိုင်ငံတကာမျက်နှာစာတွင် ဒေါ်အောင်ဆန်းစုကြည်အား မည်မျှအသိအမှတ် ပြုထောက်ခံမှုရှိသည်ကို ပြန်လည်သုံးသပ်ကြည့်ရန် လိုအပ်ပါသည်။ နိုင်ငံတကာအစိုးရများ၊ အဖွဲ့ အစည်းများကြားတွင် လက်ရှိမြန်မာနိုင်ငံအား အုပ်ချုပ်နေသော အာဏာသိမ်းစစ်အစိုး၏ နာမည် အား မသိလျှင်ပင်ရှိမည်၊ ဒေါ်အောင်ဆန်းစုကြည် ဟုပြောလိုက်ပါက နိုင်ငံတကာအစိုးရများ လူ့ အခွင့် အရေးလှုပ်ရှားသူများအားလုံး ရင်းရင်းနှီးနှီးပင်သိရှိနေကြပါသည်။ တဖက်မှလဲ ဒေါ်အောင် ဆန်းစုကြည်၏ လူအခွင့်အရေးနှင့် ဒီမိုကရေစီရေးလှုပ်ရှားမှုများကို လေးစားထောက်ခံနေ လျှက်ပင် ရှိပါသည်။ ထို့ကြောင့် ဒေါ်အောင်ဆန်းစုကြည်အား မြန်မာ့ဒီမိုကရေစီပြယုဒ်အဖြစ် သတ်မှတ်မည် ဆိုပါကလည်း လွန်အံ့မထင်ပါ။

ဥပမာတခုကို ကြည့်မည်ဆိုလျှင် နအဖမှ ဒေါ်အောင်ဆန်းစုကြည်၏ နေအိမ်အကျယ်ချုပ် သက်တမ်းထပ်မံတိုးမြင့်လိုက်သည့် မေ ၂၅ ရက်မတိုင်မီတွင် ကမ္ဘာအရပ်ရပ်ရှိ တချိန်ကသြဇာ ကြီးမားခဲ့သောသမ္မတနှင့် ၀န်ကြီးချုပ်ဟောင်း ၅၉ ဦးက စုပေါင်းလက်မှတ်ရေးထိုး၍ သူမ လွတ်မြောက်ရေးအတွက် နအဖအားဖိအားပေးတောင်းဆိုသည်ကို ကြည့်၍သိနိုင်ပါသည်။ ၄င်း အပြင် ကုလသမဂ္ဂအတွင်းရေးမှူးချုပ်မှလဲ သူမအလွတ်မမြောက်ရေးအတွက် နအဖသို့တိုက်ရိုက် ပန်ကြားခဲ့ပါသည်။ မြန်မာပြည်တွင်း အတိုက်အခံအဖွဲ့များ၏ လှုပ်ရှားမှုများကို ပြန်ကြည့် မည်ဆိုပါ ကလဲ အမျိုးသားဒီမိုကရေစီအဖွဲ့ချုပ်ဝင်များ၊ ၈၈ မျိုးဆက်ကျောင်းသားများနှင့်ပြည်သူများပါဝင် သော နိုင်ငံရေးအကျဉ်းသားများလွတ်မြောက်ရေး ဆုတောင်းပွဲများကို နအဖ၏ အမျိုးမျိုးသော ဖိနှိပ်ချုပ်ခြယ် ကန့်သတ်မှုများကြားမှပင် နိုင်ငံအနှံ့ကျင်းပနိုင်ခဲ့ပါသည်။

ထိုကဲ့သို့ နိုင်ငံတကာခေါင်းဆောင်များနှင့် မြန်မာပြည်သူလူထုမှ အဘယ့်ကြောင့် ဒေါ်အောင်ဆန်းစုကြည်လွတ်မြောက်ရေးကို တောင်းဆိုနေပါသလဲ ဆိုသည်ကို ပြန်လည်ဆန်းစစ် ကြည့်ရန်လိုအပ်ပါသည်။ အကယ်၍ သူမအနေဖြင့်အနာဂတ် မြန်မာ့နိုင်ငံရေးတွင် အရေးပါဝင် သော ခေါင်းဆောင်တဦး မဟုတ်ပါက ယခုကဲ့သို့ပြည်တွင်း၊ ပြည်ပမှ သူမလွတ်မြောက်ရေးအတွက် အစဉ်တစိုက် တောင်းဆိုတိုက်ပွဲဝင်နေမည် မဟုတ်ပါ။ နိုင်ငံတကာအသိုင်းအ၀ိုင်းနှင့် မြန်မာပြည်သူ လူထုမှ သူမ၏ တန်ဘိုးနှင့်နိုင်ငံရေးအရ ဦးဆောင်နိုင်စွမ်းများကို အသိအမှတ်ပြု ထောက်ခံ၍ သာလျှင် သူမအား လွတ်မြောက်စေလိုခြင်းဖြစ်သည်။

ထိုသို့ ဒေါ်အောင်ဆန်းစုကြည်၏ အနာဂတ်မြန်မာ့နိုင်ငံရေးတွင် အရေးပါမှုအခြေအနေများ ကို ထည့်သွင်းစဉ်းစားခြင်းမပြုပါက သူမလွတ်မြောက်ရေးအတွက် အစဉ်တစိုက်တောင်းဆို တိုက်ပွဲ ၀င်နေကြသော မြန်မာပြည်သူများ၏ စွန့်လွှတ်ပေးဆပ်နေမှုများနှင့် နိုင်ငံတကာအသိုင်းအ၀ိုင်း၏ စာနာထောက်ခံမှုများအား လျှစ်လျှူရှု၊ အလေးမထား၍သာဖြစ်ပါလိမ့်မည်။

အချုပ်အားဖြင့်ဆိုသော် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၏ နိုင်ငံ ရေးတွင်ဦးဆောင်ပါဝင်နိုင်မှု အခန်းကဏ္ဍမှာ လက်ရှိကာလမှာပင် အလွန်အရေးကြီးသည့်အပြင် အနာဂတ်မြန်မာ့နိုင်ငံရေးတွင်လည်း မည်သို့မှပစ်ပယ်ထား၍ မရနိုင်သောအချက်ပင်ဖြစ်ပါသည်။

ရဲသွေးသစ်

ခေတ္တ ပရက်မြို့