Thitsar: ပြည်သူဆိုတာ ဘယ်သူလဲ

ဗသြ

ကြံ့ဖွတ်တွေက သူတို့ကိုသူတို့ ပြည်သူဆိုပြီး နေရာတကာရမ်းနေကြတယ်။ တန်ရာ တန်ရာမပြောကြဘူး။ သာမာန် အရပ်သားပြောသာ ပြောရရင် ဒီကောင်တွေဘုန်းမရှိ၊ တုန်းပိလို့ သေကုန်ကြမှာ။

ပြည်သူဆိုတာ ကိုယ့်ကိုယ်ကို သတ်မှတ်ချင်တိုင်းသတ်မှတ်လို့မရပါဘူး။ တိုင်းပြည် တ ပြည်မှာနေတဲ့ လူတိုင်းဟာဒီနိုင်ငံသား ဆိုတာတော့မှန်ပါတယ်။ ပြည်သူလို့လဲ အလွယ်ပြောရင် တော့ရပါတယ်။ ဒါပေမဲ့နိုင်ငံရေး ဝေါဟာရနယ်ပယ်မှာ သုံးတဲ့ပြည်သူ ဆိုတာကျတော့သီးသန့် အဓိပ္ပာယ်ဆောင်တာပါ။ နိုင်ငံသားတိုင်းကို ပြည်သူလို့မဆိုပါဘူး။ ပြည်သူဆိုတာက ကာလတ ခုမှာ သမိုင်းအခန်းကဏ္ဍအရရော၊ အရေအတွက်အရပါ အဓိကကျတဲ့၊ ပြဋ္ဌာန်းနိုင်တဲ့ လူထုကြီးကို ပြောတာဖြစ်ပါတယ်။

ရှင်းအောင်ပြောရရင် ဗမာနိုင်ငံရဲ့လက်ရှိသမိုင်းကာလဟာ နိုင်ငံရေးအားဖြင့် ဘာကာ လလဲ။ အဓိကအသွင်အပြင်ဟာ ဘာလဲ။ ဒါကို ပထမရှင်းအောင်လုပ်ရတယ်။ ဗမာပြည်လူ့အ ဖွဲ့အစည်းကို ရှေ့တိုးအောင်လုပ်မယ်ဆိုရင် ဘယ်ပဋိပက္ခကို အရင်ဆုံး ဖြေရှင်းရမလဲဆိုတာ စဉ်းစား ရွေးချယ်တတ်ရတယ်။ ပဋိပက္ခဆိုတာကတော့ နေရာတကာမှာရှိနေတာပဲ။ စီးပွားရေး နယ်ပယ်မှာ ပဋိပက္ခအမျိုးမျိုးရှိသလို၊ လူမှုရေးနယ်ပယ်၊ ပညာရေးနယ်ပယ်၊ ကျန်းမာရေးနယ်ပယ်၊ နယ်ပယ် တိုင်းမှာရှိတယ်။ ကုန်ကုန်ပြောရင် အိမ်ထောင်တခုအတွင်းမှာတောင် ရှိတယ်။ ဒါတွေအားလုံးကို တတန်းတည်းထား ဖြေရှင်းလို့ဘယ်ဖြစ်မလဲ။ အကုန်ရှုပ်ထွေး ကုန်မှာပေါ့။ အင်အား တွေ၊ အစွမ်းတွေဖြုန်းတီးရာပဲ ကျမယ်။ ဒီပဋိပက္ခတွေအထဲမှာ အခရာကျတဲ့ အဓိက ပဋိပက္ခဆိုတာ ရှိတယ်။ အဲဒါကိုဖြေရှင်းနိုင်ရင် တခြားနယ်ပယ်က ပဋိပက္ခတော်တော်များများ ကိုလည်း အခြေခံ အားဖြင့် ဖြေရှင်းနိုငတာပဲ။

အလွယ်ဆုံးဥပမာကိုပြရရင် ဗြိတိသျှကိုလိုနီကာလတုန်းက ဗမာပြည်တွင်းမှာ အဓိက ပဋိပက္ခဟာ ကိုလိုနီအုပ်စိုးသူတွေနဲ့ အဲဒီအုပ်စိုးမှုဒဏ်ကိုခံစားနေကြရတဲ့ ပြည်သူတွေပဲ။ အဲဒီ တုန်းက သမိုင်းရဲ့အဓိကဦးတည်ချက်ဟာ ကိုလိုနီနိုင်ငံတွေလွတ်လပ်ရေး ရရှိခြင်းဖြစ်တယ်။ ဒါဟာ ဗမာပြည်ရှိအများတကာ့အများစု ပြည်သူလူထုကြီးရဲ့ဆန္ဒမှန်လည်းဖြစ်တယ်။ အဲဒီကာလ မှာလည်း ပဋိပက္ခပေါင်းစုံရှိနေတာပဲ။ ဗမာနိုင်ငံသားတွေ အချင်းချင်းအကြားမှာကိုပဲ ပဋိပက္ခ အမျိုးမျိုးရှိတယ် မဟုတ်လား။ နိုင်ငံရေးပါတီတွေလည်း ပေါ်နေပြီဆိုတော့ တပါတီနဲ့တပါတီ မတူတာတွေ နည်းတာ မှ မဟုတ်တာ။ ဒါ့အပြင် ကုလား-ဗမာ အဓိကရုဏ်း လိုဟာမျိုးတောင် ပေါ်ခဲ့သေးတယ်။ အဲဒီ ပဋိပက္ခတွေဟာ တခါတရံမှာထိပ်ကို တက်လာသလိုလိုရှိပေမဲ့ အဓိကဖြေ ရှင်းရမယ့် လွတ်လပ်ရေး အတွက်လုံးပမ်းနေကြတဲ့ ဗြိတိသျကိုလိုနီသမားတွေနဲ့ ဗမာပြည်ပြည် သူတွေအကြားကပဋိပက္ခဟာ အဓိကဖြစ်မြဲဖြစ်နေတာပဲ။ တနိုင်ငံလုံးရဲ့အကျိုးကို ဦးထိပ်ထားသူတွေဟာ ဒါကိုမျက်ခြေမပြတ် ဘူး။ အဲဒီလိုအဓိကပဋိပက္ခကိုအခြေခံပြီး ပြည်သူလား၊ ပြည်သူ့ရန်သူလားဆိုတာကို ခွဲခြားတာ ဖြစ်တယ်။ ဘက်နှစ်ဘက်မှာ ဘယ်ဘက်ရပ်သလဲဆိုတာနဲ့ ခွဲခြားတာဖြစ်တယ်။ ဒီနေ့ဗမာပြည်မှာ အဓိကပဋိပက္ခဟာ အင်မတန်ထင်ရှား၊ ရှင်လင်းပါတယ်။ နအဖစစ်အစိုးရနဲ့ စစ်အစိုးရအုပ်စိုးမှု ဒဏ်ကြောင့် အခွင့်အရေးမျိုးစုံဆုံးရှုံးပြီး ကိုယ်စိတ်နှစ်ပါး ဆင်းရဲနေကြသူတွေက တဖက်ဖြစ်ပွား နေတဲ့ ပဋိပက္ခဟာအဓိကပါ။ လူတယောက်ဟာ ဒီပဋိပက္ခမှာ ဘယ်ဘက်က ပါဝင်သလဲဆိုတာ အပေါ်မူတည်ပြီး သူဟာပြည်သူလား၊ စစ်အာဏာရှင် စနစ်ဘက်သားလားဆိုတာကို ခွဲခြားရမှာပါ။ အထက်ကကြံ့ဖွတ်တွေရဲ့အခြေအနေဟာ သိပ် ရှင်းပါတယ်။

ဒီနေရာမှာ တဆက်ထဲပြောသင့်တာက ဒီနိုင်ငံမှာ ဒီလိုဘက်နှစ်ဘက်ပဲရှိတယ်။ တခြား မရှိဘူးလို့ဆိုရင်တော့ မှားပါတယ်။ ဘယ်ဘက်မှမပါတဲ့ ကြားအင်အားစုတွေလည်းရှိတယ်ဆိုတာကို သိဖို့လိုသလို အသိအမှတ်ပြုဖို့လည်းလိုပါတယ်။ နိုင်ငံရေး အတွေ့အကြုံကြွယ်ဝသူဟာ အဲဒီကြား အင်အားစုကို ကိုယ့်ဘက်ပါအောင် ကြိုးးစားပြီး နိုင်ငံရေးအတွေ့အကြုံနုသူကတော့ အဲဒီ အင်အားစု ကို တိုက်ခိုက်ပါတယ်။ တဘက်ကို တွန်းပို့သလိုတောင် ဖြစ်စေတတ်ပါတယ်။

နောက် မပြောမဖြစ်တတ်တာက ပြောင်းလဲတတ်တဲ့သဘောပါ။ ပြောင်းလဲတတ်တယ် ဆိုရာမှာ နှစ်မျိုးရှိပါတယ်။ ပထမတမျိုးက အဓိကပဋိပက္ခကိုယ်တိုင် ပြောင်းသွားတာဖြစ်ပါတယ်။ ဥပမာ ဒုတိယကမ္ဘာစစ်ရဲ့အဆင့်တခုမှာ ဗမာနိုင်ငံရဲ့အဓိကပဋိပက္ခဟာမူလက အင်္ဂလိပ်နဲ့ဗမာနိုင်ငံ သားတွေအကြားက ပဋိပက္ခဖြစ်ပေမဲ့ ဂျပန်ကျူးကျော်ဝင်ရောက်ပြီးလို့ ဂျပန်က ဖက်ဆစ်လက္ခဏာ တွေ ဖော်ပြလာတဲ့အခါမှာတော့ ဂျပန်ဖက်ဆစ်တွေနဲ့ ဗမာပြည်ပြည်သူတွေ အကြားက ပဋိ်ိပက္ခဟာ အဓိကပဋိပက္ခဟာ ဖြစ်သွားပါတော့တယ်။

ဒုတိယတမျိုးကတော့ အဲဒီလိုအဓိကပဋိပက္ခပြောင်းလဲတာနဲ့ ပါဝင်သူတွေဘက်ပြောင်း တတ်တာပါပဲ။ နဂိုက ရန်သူဖြစ်တဲ့ အင်္ဂလိပ်ဟာ မဟာမိတ်ဖြစ်လာပါတယ်။ ဒီလိုသာဓကတွေ အများကြီးပြလို့ရပါတယ်။ ရှစ်လေးလုံးအရေးတော်ပုံကြီးရဲ့ ထူးခြားချက်တခုဟာလည်း အဲဒီလိုပဲ တချိန်ကရန်ဘက်တွေ မိတ်ဆွေဖြစ်လာတာပါ။

ပြည်သူဆိုတာ အဓိကပဋိပက္ခအပေါ်မှာမူတည်ပြီး ခွဲခြားသတ်မှတ်တယ်လို့ ပြောခဲ့ပေမဲ့ အချက်တချက်ကို ထပ်ပြီးအလေးအနက်ပြုဖို့လိုတယ်။ အဲဒါကတော့ နိုင်ငံတနိုင်ငံမှာ အလုပ်သမား လယ်သမားတွေဟာ အမြဲပဲအခြေခံပြည်သူဖြစ်တယ်ဆိုတဲ့ အချက်ပဲ။ ဒီစာရင်းထဲမှာ မြို့နေဆင်းရဲ တွေကို ထည့်သွင်းရင်လည်းရတယ်။ အကြောင်းက အဓိကပဋိပက္ခဘယ်လိုပဲ ပြောင်းပြောင်း သူတို့ ဟာအမြဲပဲဓားမနောက်ပိတ် အဖိနှိပ်ခံရဆုံးသူတွေ ဖြစ်နေလို့ပါပဲ။ နောက်ပြီး နိုင်ငံတိုင်းမှာလည်း အရေအတွက်အားဖြင့် သူတို့ဟာ အများဆုံးဖြစ်တယ်ဆိုတာကိုလည်း မမေ့ဖို့လိုတယ်။

ဒီအခြေခံလူတန်းစားရဲ့သားသမီးတွေဖြစ်နေလို့လည်း အခုနအဖစစ်တပ်ထဲကအောက် ခြေတပ်သားတွေကို ကြားနေအောင်၊ ကိုယ့်မိဘဘက်ပြန်ရပ်အောင်စည်းရုံး နေကြရတာပါ။ အလား တူပဲ အခုအခါမှာ အခွင့်အရေးအကြောင်းပြုပြီး တက်ကြွနေတဲ့ ကြံ့ဖွတ်တွေထဲမှာလည်း အခြေခံ လူတန်းစားတွေရဲ့သားသမီးတွေလည်း ပါနေတယ်။ သူတို့ကိုလည်း ရနိုင်သလောက် အစွဲချွတ်ကြရ လိမ့်မယ်။

ဒီနေ့ဗမာပြည်နိုင်ငံရေးမှာ ဒီပြည်သူကိုဗဟိုပြုထားတဲ့တပ်ဖွဲ့ကြီးတခု ပြန်ဖွဲ့ဖို့အခြေအနေ က တောင်းဆိုနေတယ်။ ဒီတပ်ဖွဲ့ကြီး ပေါ်ပေါက်ရေးအတွက် အနှောင့်အယှက်အတား အဆီးတွေ ဟာ နအဖဆီကသာ လာတာမဟုတ်ပဲ ပြည်တွင်းပြည်ပကသဘော တရားအမျိုးမျိုး ထုတ်နေကြတဲ့ ဗမာနိုင်ငံသားတွေ၊ နိုင်ငံခြားသားတွေဆီကလည်း ပေါ်ထွက်လာနေတယ်။ ပြည်သူချင်း အိုးမည်း သုတ်ပေးတာကို သတိထားရမယ်။ တချို့က ဒီလိုခြေထိုးရာမှာ အင်မတန်ကျွမ်းကျင်တယ်။ အင်မ တန် သိမ်မွေ့တယ်။ အတွေ့အကြုံလည်း ရှိလှပြီကိုး။

ဗမာပြည်သားတွေဟာ ဗမာပြည်အနေအထားနဲ့ကိုက်ညီတဲ့ လှုပ်ရှားမှုတွေဖော်ထုတ် ရမယ်။ ဗမာပြည် သမိုင်းထဲက အောင်ပွဲရအတွေ့အကြုံတွေကို ပြန်သုံးသပ်ရမယ်။

တကယ်က ချီလီ၊ ဖိလိပိုင်၊ အင်ဒိုနီးရှား၊ တောင်ကိုရီးယား၊ စစ်အာဏာရှင်တွေကို ဖြုတ်ချတဲ့နိုင်ငံတိုင်းမှာ ကိုယ့်ပြည်သူတွေပဲ အသေခံ၊ အနာခံပြီး စည်းလုံးညီညွတ်စွာ တိုက်ပွဲဝင်၊ ဖြုတ်ချခဲ့ကြတာဖြစ်တယ်။ ပြည်ပက နှမ်းဖြူးတာလောက်တောင် အနိုင်နိုင်ပါ။ ဗမာပြည်လွတ်လပ် ရေးရခဲ့တာလည်း ဒီလိုပဲ မဟုတ်လား။