Thitsar: လူထုဆန္ဒ နဲ့ တော်လှန်ရေး

သက်ထွန်း

၁၉၈၈ ခုနှစ်က ဗမာနိုင်ငံမှာ ဖြစ်ပွားခဲ့တဲ့ ရှစ်လေးလုံးလူထုအုံကြွမှုကြီး ဖြစ်ပေါ်လာမှု ကိုသေသေချာချာပြန်လှန် သုံးသပ်မယ်ဆိုရင် လတ်တလောဖြစ်ပေါ်စေခဲ့တဲ့ အကြောင်းအရာ ဟာ မတ်ခ်ျ ၁၃၊ ၈၈ မှာဖြစ်ပွားခဲ့တဲ့ ရန်ကုန်စက်မှုတက္ကသိုလ် အရေးအခင်းဖြစ်သလို၊ အခြေခံ အကြောင်းရင်း ဖြစ်တည်မူတွေကတော့ ၁၉၆၂ မတ်ခ်ျ ၂ ရက် မှာ တိုင်းပြည်အာဏာကို ဗိုလ် နေ၀င်းခေါင်းဆောင်တဲ့ စစ်တပ်က သိမ်းယူလိုက်ချိန်ကပဲ စတင်ဖြစ်ပေါ်လာခဲ့တာ ဖြစ်တယ်။

အဲဒီအချိန်မှာ တိုင်းပြည်ကို ပါလီမန်ဒီမိုကရေစီစနစ် ကျင့်သုံးတဲ့ အရပ်သားအစိုးရ အုပ် ချုပ်မှုရှိနေပေမဲ့၊ နိုင်ငံရေးအရတည်ငြိမ်မှု နည်းပါးနေသေးတယ်၊ တချိန်တည်းမှာ တိုင်းရင်း သားတွေနဲ့ (နိုင်ငံတော် ဖွဲ့စည်းအုပ်ချုပ်ပုံဥပဒေကိစ္စ အဓိကဖြစ်) ဆွေးနွေးညှိနှိုင်းရမယ့် နိုင်ငံ ရေးပြဿနာတွေ ရှိနေပြန်တယ်။ ဒါပေမဲ့ စီးပွားရေးနဲ့ အခြားနယ်ပယ်တွေမှာတော့ ပြောပ လောက်အောင်နိမ့်ကျမူမရှိသေးဘူး။

သို့သော်လည်း နိုင်ငံရေးပါတီတွေနဲ့ နိုင်ငံရေးသမားတွေရဲ့ ညီညွတ်ရေးပြိုကွဲနေမှုနဲ့ တိုင်းရင်းသားအရေးကို အခွင့်ကောင်းယူပြီး ၁၉၅၈ ခုနှစ်မှာကတည်းက တိုင်းပြည်တစ်ခုလုံးရဲ့ နိုင်ငံရေးဝန်းကျင်အားနည်းမှုအခြေအနေနဲ့ ပြဿနာတွေကို အတွင်းကျကျ သိထားပြီးဖြစ် သလို အာဏာရဲ့အရသာကို မက်မပြေဖြစ်နေခဲ့ပြီဖြစ်တဲ့ စစ်ခေါင်းဆောင်တွေဟာ တိုင်းပြည်ရဲ့ ဖွဲ့စည်းပုံ အခြေခံဥပဒေကို လုံးဝအလေးထား လိုက်နာခြင်းမရှိကြတော့ဘဲ (တိုင်းရင်းသား လူမျိုးစုတွေ အရေးကြောင့် ပြည်ထောင်စုပြိုကွဲမှာဖြစ်လို့ဆိုပြီး) တရားလက်လွတ် အကြောင်းပြချက်ကို အသုံး ပြုပြီး၊ နိုင်ငံတော်အာဏာကို သိမ်းယူခဲ့သလို၊ တိုင်းရင်းသား ပြည်သူလူထုတစ်ရပ်လုံးကို ဆင်းရဲ ဒုက္ခတွင်းထဲကို တွန်းချခဲ့ပြီး၊ သူတို့ရဲ့ အာဏာတည်မြဲစေရေးအတွက် ပြည်တွင်းစစ်မီးကို မပြတ် မွှေးခဲ့ကြတာဖြစ်တယ်။

ဒီလိုနဲ့ နိုင်ငံရေး၊ စစ်ရေးရာဇ၀တ်မှုပေါင်းများစွာကို ကျူးလွန်ခဲ့ကြရင်း၊ ၁၉၇၄ ခုနှစ်မှာ တစ်ပါတီတည်း အခြေခံတဲ့(ဘာမှန်းမသိတဲ့ ဆိုရှယ်လစ်အမည်ခံ နိုင်ငံရေးစနစ်ကို အကျယ် လောင်ဆုံး အော်ဟစ်ကြွေးကြော်ရင်း) အတုအယောင် ပြည်ထောင်စုစံနစ် ဖွဲ့စည်းပုံဥပဒေကို ရေးဆွဲအတည်ပြုခဲ့ပြီး တိုင်းပြည်အာဏာကို စစ်အာဏာရှင်လက်အောက်ကို တရားဝင်သွပ် သွင်းခဲ့တယ်။

နိုင်ငံရေးအင်အားစုတွေ၊ တိုင်းရင်းသားတွေနဲ့အလုပ်သမား၊ လယ်သမား၊ ကျောင်းသား တွေဟာ ဆန့်ကျင်တော်လှန်ခဲ့ကြပေမဲ့ စစ်အာဏာရှင်တွေနဲ့ စစ်အာဏာရှင်စနစ်ကို အောင် မြင်ဖယ်ရှားခြင်း မပြုနိုင်ခဲ့ကြသေးတဲ့အတွက် ယနေ့အချိန်ထိအောင် တိုင်းပြည်တွင်းမှာ ဖြစ် ပေါ်နေတဲ့ နိုင်ငံရေး အကြပ်အတည်းတွေနဲ့အတူ စီးပွားရေး၊ လူမှုရေး၊ ပညာရေး ၊ ကျန်းမာရေး အစရှိတဲ့ နယ်ပယ်ပေါင်းစုံမှာ အဆိုးဝါးဆုံးအနေအထားကို ရင်ဆိုင်နေကြရပြီး စစ်အာဏာရှင်စ နစ်ကတော့ ကင်ဆာရောဂါလိုအမြစ်ဖြာကုပ်တွယ်နေပြီဖြစ်တယ်။

သို့ပေမဲ့လည်း ပြည်သူလူထုတစ်ရပ်လုံးဟာ (အပြောင်းအလဲဆိုတာ ခက်ခဲကြမ်းတမ်း တယ် ဆိုပေမယ်လို့) သန်းခေါင်ထက်ညဉ့်မနက်ဘူး ဆိုတဲ့အသိနဲ့ ၁၉၈၈ ခုနှစ်သြဂတ်လမှာ သူတို့ရဲ့ အနာဂါတ်ကို သူတို့ကိုယ်တိုင် ပုံဖော်နိုင်ဖို့ ကျိုးစားခဲ့တာကြောင့် တစ်ပါတီစနစ်နဲ့ စစ် အာဏာရှင်တွေကို တော်လှန်ဆန့်ကျင်တဲ့ လူထုအုံကြွမှုကြီး ဖြစ်ပေါ်ခဲ့တာဘဲဖြစ်တယ်။ ဒီနေရာမှာ ပြည်သူတွေရဲ့ ယုံကြည်မှုကဘာလဲ၊ နိုင်ငံရေး အကောက်အယူကဘာလဲဆိုတာ ရှင်းရှင်းလင်းလင်း မြင်နိုင်တယ် ၈၈ ကာလမှာလူထုရဲ့တောင်းဆိုချက်ဟာ ဒီမိုကရေစီနဲ့ အရပ်သားအစိုးရ စစ်စစ် ဖြစ်တယ် ဒီအတွက်လည်း (တိုင်းပြည်ရဲ့ လိုအပ်ချက်ကို ပုံဖော်နိုင်ဖို့) ကျောင်းသားခေါင်းဆောင် တွေ စုပေါင်းပြီးကြားဖြတ်အစိုးရတစ်ရပ် ဖြစ်ပေါ်ရေးကိုကြိုးစားခဲ့ကြတယ်။ သို့သော်လည်း လူထုကို ဦးဆောင်မယ့် သူတွေကြားမှာ ခေါင်းဆောင်မှုစွမ်းရည်ချို့တဲ့မှု၊ အနာဂါတ်အတွက်စိတ်ကူး စိတ် သန်းအားနည်းမူ၊ ပြောင်းလွယ်ပြင်လွယ် စိတ်မထားနိုင်မှုတွေကြောင့် လှုပ်ရှားပုံဖော်မှုတွေ ထုံ့ပိုင်း ထုံ့ပိုင်းဖြစ်နေတဲ့အတွက် (လူထုရဲ့ တော်လှန်အုံကြွမှုဟာ တစ်ပါတီစနစ်နဲ့ အတုအယောင် ပြည်ထောင်စုစနစ် ဖွဲ့စည်းအုပ်ချုပ်ပုံဥပဒေကို ဖျက်သိမ်းနိုင်ခဲ့ပေမယ့်) စစ်အာဏာရူးတွေရဲ့ လက် ဦးမှုကို ခံလိုက်ကြရပြန်တယ်။ ဒီအတွက် အကျိုးဆက်ကတော့ ဆန္ဒပြသူပြည်သူလူထုကြီးဟာ စစ်ဖိနပ်အောက်မှာ အလူးအလိမ့်ခံစားနေရမှုဟာ ပိုမိုကြီးကျယ်လာခဲ့တယ် ဘာကြောင့်ဆို မဆလ ခေတ်မှာတောင် ပြည်သူတွေရဲ့ ဘ၀အကြပ်အတည်းပေါင်းစုံဟာ တရွေ့ရွေ့တအိအိသာ သွားနေခဲ့ ပေမယ့် န၀တ၊ နအဖ စစ်အာဏာရူးတွေရဲ့ လက်အောက်မှာတော့ တိုင်းပြည်တစ်ခုလုံးရဲ့ နယ်ပယ် ပေါင်းစုံပြိုကျ ပျက်ဆီးနိမ့်ကျလာမှုဟာ လျှပ်လက်တာထက်တောင် လျင်လှမြန်လှတာမို့ဘဲ ဖြစ် တယ်။ လူ့အဖွဲ့အစည်းအတွင်း တရားလက်လွတ် ပြုမူဆောင်ရွက်မှုတွေ ရှိနေသမျှ ဖိနှိပ်ရက်စက် အနိုင်ကျင့်မှု တွေရှိနေသမျှတော့ တော်လှန်အုံကြွမှုဆိုတာ ရှိနေမှာဘဲဖြစ်တယ်။

ပစ္စက္ခမှာတော့ တိုင်းပြည်ရဲ့ ကောင်းကင်တစ်ခုလုံး ပြည်တွင်းစစ်မီးရောင်ကြောင့် မှိုင်း ဝေလို့နေတယ်၊ မြင်ကွင်းမှန်သမျှဟာလည်း (မျိုးတုံး သတ်ဖြတ်ခံနေရမှုတွေ လူ့ဘ၀ရဲ့အနိမ့် ဆုံး ဆင်းရဲမွဲတေမှုတွေ၊ ရောဂါဘယထူပြောမှုတွေ၊ ကိုယ်ကျင့်တရားပျက်ပြားမှုတွေ၊ နအဖ အမည်ခံ စစ်ယူနီဖောင်းဝတ် ဓါးပြတွေရဲ့လုယက်မှု၊ သတ်ဖြတ်မှု၊ မုဒိမ်းကျင့်မှုတွေနဲ့ ဥပဒေမဲ့ အနိုင်ကျင့်မှု မျိုးစုံရောယှက်နေတဲ့) မွဲခြောက်ခြောက်ရှုခင်းတွေနဲ့အော်သံဟစ်သံ၊ ငြီးညူသံတွေနဲ့ အရုပ်ဆိုး အကျည်းတန်နေပြီး၊ အခြားတစ်ဖက်မှာက စိမ်းစိုလန်းဆန်းနေ၊ လှုပ်ရှားတက်ကြွနေပြီး လွတ်လပ်မှု အရသာနဲ့ အဆုံးစွန်သောပြိုင်ဆိုင်မှုတွေနဲ့ ရှင်သန်နေတဲ့လူသားတွေ ဘယ်လိုဘဲပြောပြော အခြား ကမ္ဘာကြီးနဲ့ ဗမာပြည်ရဲ့မြင်ကွင်းဟာ တံတိုင်းကြီးတစ်ခု ခြားနေ တာတော့သေချာလွန်းနေတယ်။

မည်သို့ပင်ဆိုစေကာမူ သမိုင်းလှည်းဘီးကို အတင်းဖက်တွယ်ရပ်တန့်ထားတဲ့ စစ်အာ ဏာရူးအုပ်စုဟာ လူထုရဲ့စိတ်ဆန္ဒ၊ လိုလားချက်နဲ့ တကယ့်အကျိုးစီးပွားတွေကို ကိုယ်စားပြုဖို့ ထက် ဖျက်ဆီးဖို့ကိုပဲ ထာဝစဉ်ကြိုးစားနေကြတာ (နိုင်ငံရေးပြဿနာတွေကို ဖြေရှင်းနိုင်မဲ့ ဆွေးနွေး ညှိနှိုင်းရေးစားပွဲဝိုင်းကို ပစ်ပယ်ပြီး စစ်အာဏာရှင်စနစ် တရားဝင်တည်တန့်ရေး အ တွက်လုပ်နေတဲ့ အမည်ခံအမျိုးသားညီလာခံနဲ့ ဖွဲ့စည်းပုံရေးဆွဲ အတည်ပြုနိုင်ရေး လုပ်ရပ်တွေက) ထင်သာမြင်သာ ရှိလှပါတယ်။ အစစ်အမှန် အခြေအနေကတော့ ၈၈ အရေးတော်ပုံကြီးအတွင်းမှာ ရှိနေခဲ့တဲ့ လူထုရဲ့ ဆန္ဒဟာ ၁၉၉၀ ခုနှစ်ရွေးကောက်ပွဲကာလမှာ ကြည်လင်ပြတ်သားစွာနဲ့ ဖော်ပြခဲ့ပြီးဖြစ်တယ်။ အချိန် ကာလရွေ့လျားလာနေတာကို အခွင့်ကောင်းယူပြီး အစစ်အမှန် အကြောင်းတရားတွေကို ဖျက်ဆီး မြှုပ်နှံချင်ကြသူတွေဖြစ်တဲ့ စစ်အာဏာရူးတွေနဲ့ သူတို့ရဲ့ဒေါက်တိုင်တွေ၊ လက်ပါးစေတွေနဲ့ နောက် မြီးဆွဲတွေဟာ ဒီကနေ့လူထုရဲ့ဆန္ဒဟာ ၉၀ ခုနှစ်ကဆန္ဒနဲ့ မတူညီတော့သယောင်ယောင်၊ လုံးဝဆန့် ကျင်ဘက် ဖြစ်သွားသလိုလို ပြောဆိုဝါဒ ဖြန့်လာကြပြီး၊ ပြည်သူလူထုရဲ့ ဆန္ဒအစစ်အမှန်တွေ ဘ၀ အခြေအနေမှန်တွေကို ဆက်လက်မျက်ကွယ်ပြုပြီး၊ တိုင်းပြည်နဲ့လူမျိုးကို မီးလောင်တိုက် သွင်းနေ ကြလေရဲ့၊ မျိုးဆက်တွေ၊ နှစ်တွေအနည်းငယ် ပြောင်းလာတာနဲ့အမျှ၊ လူ့အဖွဲ့အစည်းရဲ့ အခြေခံ ကျတဲ့ လိုအပ်ချက်တွေ၊ စိတ်ဆန္ဒတွေဟာ အားလုံးပြောင်းလဲသွားပြီလို့ဆိုတာဟာ အင်မတန်ရူးသွပ် မိုက်မဲတဲ့ အပြော အဆိုမျိုး၊ စဉ်းစားတွေးခေါ်ချက်မျိုးဘဲ ဖြစ်တယ်။

ဘယ်ခေတ်ကာလမှာမဆို ပြည်သူလူထုဟာ လွတ်လပ်မှုကိုလိုချင်တယ်၊ နွေးထွေး လုံခြုံ ပြီး တည်ငြိမ်အေးချမ်းတဲ့ဘ၀ တည်ဆောက်နိုင်ခွင့်မျိုးကို လိုချင်တယ်၊ ဖိနှိပ်မှု၊ အနိုင်ကျင့်မှုကင်းတဲ့ လူ့အဖွဲ့အစည်းမျိုးကို တောင့်တတယ်၊ ညီမျှပြီး ဘက်လိုက်မှုကင်းတဲ့ တရားဥပဒေမျိုး၊ အုပ်ချုပ်မှုမျိုး ကို လက်ခံချင်တယ်၊ ဒါဟာဘယ်လိုမှ ငြင်းဆန်လို့မရတဲ့ အမှန်တရားဖြစ် တယ်။

ပြည်သူလူထုတစ်ရပ်လုံးဟာ စစ်အာဏာရူးတွေရဲ့ လက်နက်အားကိုးနဲ့ အာဏာကို အလွဲ သုံးစားလုပ်ပြီး ဖိနှိပ်ရက်စက်မှု၊ ခြိမ်းခြောက်အနိုင်ကျင့်မှုတွေကို ခံနေကြရပြီး၊ တချိန်တည်းမှာ ဘက်ပေါင်းစုံက ပိတ်ဆို့ဒုက္ခပေးထားလို့ စားရမဲ့သောက်ရမဲ့ဘ၀တွေဖြစ်အောင် ဆင်းရဲမွဲတေနုံချာ လွန်းတဲ့ အခြေအနေကို ဆုပ်ကိုင်ထားရတယ်၊ စစ်အာဏာရူးတွေဟာ လူထုတစ်ရပ်လုံးအတွက် စီးပွားရေးဝန်းကျင်ကောင်းတွေ ဖန်တီးပေးရေးကို မေ့လျော့ပစ်ပယ်ထားပြီး၊ နိုင်ငံတကာက စီးပွား ရေးပိတ်ဆို့တာကို အပြစ်ဖို့ဆင်ခြေပေးရင်း လွတ်လပ်သော စစ်တပ်အရင်းရှင်ဈေးကွက်စနစ်ကို အားကောင်းမောင်းသန် တည်ဆောက်နေတယ်။ ဒီအချက်ကို အောင်မြင်ဖို့ အခြေခံကျကျနဲ့ ကျင့်သုံးနေတဲ့-

- နိုင်ငံတော်ရဲ့ စီးပွားရေးယန္တရားအားလုံးကို စစ်အာဏာရူးနဲ့ ဒေါက်တိုင်တွေက ထိန်းချုပ်အပိုင် သိမ်းထားတာ၊

- နိုင်ငံတော်ရဲ့ ဌာနဆိုင်ရာ လုပ်ငန်းအားလုံးမှာ အကျင့်ပျက်ခြစားမှုနဲ့ ကြိုးနီစနစ် အလွန် အမင်း ကြီးထွားနေတာ၊

- ငွေကြေးဖောင်းပွမှု အဆမတန်မြန်ဆန်မြင့်တက်နေတာ၊

- ငွေကြေးစနစ် ခိုင်မာမှုမရှိတာ၊

- မှန်ကန်လျှော်ညီသော စီးပွားရေးစနစ်ချ မှန်ကျင့်သုံးမှုမရှိတာ၊

- တိုင်းပြည်ရဲ့ အရင်းအမြစ်အားလုံးဟာ စစ်တပ်နဲ့ စစ်လက်နက်ချဲ့ထွင်ရေး၊ စစ်အာဏာရူး တွေရဲ့ ဆွေစဉ်မျိုးဆက် အကျိုးစီးပွားတည်ဆောက်ရေး သက်သက်ဖြစ်နေတာ၊

အစရှိတဲ့ အဓိကအချက်တချို့ကို အလှည့်အပြောင်းမရှိ တွေ့နေရတယ်။

ကမ္ဘာကြီးနဲ့ အိမ်နီးချင်းနိုင်ငံတွေဟာ အနာဂါတ် မျိုးဆက်ပျိုးထောင်မှုနဲ့ စီးပွားရေးပါဝါ ကို ပညာခေတ်ဦးနှောက်တွေနဲ့ အသုံးပြုနေချိန်၊ နအဖ စစ်အာဏာရူးတွေကတော့ တိုင်းပြည်ရဲ့ မျိုးဆက်တွေကို စဉ်ဆက်မပြတ်သင်းသတ်ရင်း၊ ပွင့်လင်းလွတ်လပ်မူတွေကို အမိုက်တိုက်ထဲ ထိုး သိပ်ထည့်နေလေရဲ့၊ တကယ်တော့

- ထက်သန်တက်ကြွပြီး စွမ်းဆောင်ရည်ပြည့်ဝတဲ့ အရပ်ဘက်လူ့အဖွဲ့အစည်းတွေ မရှိဘဲ၊

- စနစ်ကျ ခိုင်ခန့်တဲ့ တရားဥပဒေစိုးမိုးမှုမရှိပဲ၊

- ပြည်သူတွေအတွက် စီးပွားရေးဝန်းကျင်ကောင်းမရှိပဲ ၊

- လူထုရဲ့ဆန္ဒကို ထင်ဟပ်နိုင်စွမ်းရှိတဲ့ လွတ်လပ်တဲ့ နိုင်ငံရေးစနစ်တစ်ရပ်မရှိပဲ၊

နိုင်ငံတကာနဲ့ စံချိန်မီပြိုင်ဆိုင်နိုင်ဖို့၊ ပညာခေတ်ရဲ့ စားကောင်း သောက်ဖွယ်ရာတွေကို မှိန်မှိန်ယှက်ယှက်ခံစား စံစားနိုင်ဖို့ လွတ်လပ်သန်စွမ်းတဲ့ လူ့အဖွဲ့အစည်းဖြစ်ဖို့ရာ ဘယ်လိုမှ မဖြစ်နိုင်ဘူး။

ဗမာနိုင်ငံက ပြည်သူတွေဟာဘာနဲ့ အသားကျနေပြီလဲ၊ သူတို့မှာ လန်းဆတ်အေးမြတဲ့ အနာဂတ်နေ့ရက်တွေ မရှိနိုင်တော့ဘူးလား ဒုက္ခနဲ့ယဉ်ပါးလွန်းလို့ သက်တောင့်သက်သာရှိတဲ့ ဘ၀မျိုးကိုမလိုချင်၊ မတပ်မက်တတ်တော့ဘူးလား၊ လူထုဟာ မောင်းနှင်အားရှိပြီးသား ဖြစ်သ လို၊ ဒီမိုကရေစီနဲ့လည်း ထိုက်တန်တဲ့လူမျိုးတွေ ဖြစ်တာကြောင့် တိုင်းပြည်ဘယ်ကိုဦးတည် ရွေ့လျှား နေတယ်၊ သွားနေတယ်ဆိုတာ ကောင်းကောင်း အကဲခတ်နိုင်ဖို့၊ နားလည်နိုင်ဖို့လိုတယ်၊ ခုချိန်မှာ ပြည်သူလူထုဟာ ကိုယ့်အနာဂတ်ကို ကိုယ့်ဘာသာရေးဖို့ရာအတွက် ဆုံးဖြတ်ချက်ချနိုင်ကြဖို့ဟာ အရေးအကြီးဆုံး လိုအပ်ချက်ဖြစ်တယ်။

ဘာကြောင့်ဆို ခေတ်အဆက်ဆက်မှာ တိုက်ပွဲဝင်ခဲ့တဲ့လူထုရဲ့ ပေးဆပ်စိုက်ထုတ်မှု တွေဟာ ဘယ်သောအခါမှ အဟောသိကံ ဖြစ်သွားမှာမဟုတ်လို့ဘဲ ဖြစ်တယ်၊ ဒါကြောင့် လူ့ အဖွဲ့အစည်းတစ်ခုလုံးကို ပျက်စီးယိုယွင်းစေတဲ့ စစ်အာဏာရှင်စနစ် အမြစ်ပြတ်ဖယ်ရှားနိုင်ဖို့ရာ ပိတ်ဆို့တားဆီးထားတဲ့ စစ်အာဏာရူးတွေရဲ့ မိစ္ဆာတံတိုင်းကို ရိုက်ချိုးဖွင့်လှစ်ရမှာ ဖြစ်တယ်။ ဒီနေရာမှာ စစ်အာဏာရူးတွေရဲ့ တဖက်ပိတ် တည်ဆောက်မှုတွေကို ပူးပေါင်းလက်ခံရေး ဆို တဲ့ ချဉ်းကပ်နည်းဟာလက်တွေ့မှာ အလုပ်ဖြစ်မလား၊ လက်ရှိနိုင်ငံရေးပြဿနာအားလုံးနဲ့ တိုင်း ပြည်ရဲ့ အကြပ်အတည်းအားလုံးဟာ စစ်အာဏာရှင်နဲ့ ပူးပေါင်းလိုက်ရုံ၊ သူတို့လုပ်နေတာကို လိုက်လျှော လိုက်ရုံနဲ့ ကိစ္စပြီးဖြေရှင်းနိုင်မှာ မဟုတ်ဘူးဆိုတာကို ပြတ်သားကြည်လင်မှု ရှိရှိနဲ့မြင်ဖို့၊ လူထုကို သစ္စာဖောက်တဲ့ လုပ်ရပ်မျိုးတွေကို မလုပ်မိကြဖို့ရာ အရေးကြီးတယ်။

တိုင်းပြည်နဲ့လူမျိုးကို ကင်ဆာရောဂါအနာဆိုးကြီးလို နှစ်ပေါင်းများစွာ အမြစ်တွယ်ဒုက္ခ ပေးနေတဲ့ စစ်အာဏာရှင်စနစ်ကို ဖြတ်တောက် ဖယ်ရှားပစ်နိုင်ပါမှ ဗမာနိုင်ငံဟာ ကမ္ဘာ့အလယ်မှာ ကျန်းမာရွှင်လန်းစွာနဲ့ ဦးမော့လာနိုင်မှာ ဖြစ်တယ်ဆိုတာဟာ သမိုင်းရဲ့အမှန်တရား တစ်ခုဖြစ်တဲ့ အကြောင်း တင်ပြလိုက်ပါတယ်။

သက်ထွန်း ( ဗ က သ ၊ လူ့ဘောင်သစ် ) ၁၈ ၊ ၇ ၊ ၂၀၀၇