Thitsar

သက်ထွန်း

နိုင်ငံရေးနယ်ပယ်မှာ (proraganda) ၀ါဒဖြန့်ချိခြင်းဆိုတဲ့ စကားလုံးကို အားလုံး ယဉ်ပါး ပြီးဖြစ်ပါတယ်။ နိုင်ငံရေး၊ စစ်ရေးတွေမှာ ၀ါဒဖြန့်ချိရေးဟာ မရှိမဖြစ်တဲ့၊ အဓိကလုပ်ငန်းတစ်ခု ဖြစ်ပါတယ်။ လူမူ ဘ၀မှာလည်း လူ့အဖွဲ့အစည်းအတွင်းနေ့စဉ် ကြားသိ ကြုံတွေ့နေတဲ့ အကြောင်း အရာပေါင်းစုံမှာ၊ ၀ါဒဖြန့်ချိခြင်းဆိုတဲ့ အမည်နာမကို တိုက်ရိုက်သုံးစွဲမူ မရှိကြပေမဲ့၊ အခြားအခြားသော ပုံသဏ္ဌာန်မျိုးစုံနဲ့ အသက်ဝင်နေတာကို တွေ့နိုင်ပါတယ်။

နိုင်ငံတိုင်း၊ အစိုးရအဖွဲ့အစည်းတိုင်းဟာ ကဏ္ဍပေါင်းစုံကိစ္စ (နိုင်ငံရေး၊ စစ်ရေး ကိုပိုအလေးထား၊ ယနေ့ကာလတွင် နိုင်ငံရေး၊ စီးပွားရေး ကိစ္စ-)တွေအတွက် အမြဲတမ်းပဲ ၀ါဒဖြန့် ချိရေးလုပ်ငန်းကို အလေးထားဆောင်ရွက် လေ့ရှိကြတယ်။ တည်ငြိမ်နေတဲ့ ကာလတွေမှာတောင် အမြဲလိုအပ်နေတဲ့ လုပ်ငန်းမျိုးဖြစ်တဲ့အတွက်၊ လှုပ်ရှားရုန်းကန်နေရတဲ့ ကာလတွေနဲ့ ရန်သူနဲ့ ထိပ်တိုက်ရင်ဆိုင်နေရတဲ့ ကာလမျိုးတွေမှာဆို ပိုမိုအရေးကြီးလိုအပ်တယ်။

လူထုကိုစည်းရုံးတဲ့နေရာမှာ ၀ါဒဖြန့်ချိရေးဟာအလွန်အရေးကြီးပြီး၊ အခြေခံကျတဲ့ လုပ်ငန်းတခုဖြစ်တယ်။ လူထုအတွင်း ထဲထဲဝင်ဝင်နဲ့ ထိရောက်ကျယ်ပြန့်တဲ့ ၀ါဒဖြန့်ချိရေး လုပ်ခြင်းမရှိပဲ၊ လူထုကို တသားတည်း စုစည်းပါဝင်လာအောင်လုပ်ဖို့ အင်မတန်ခက်ပါတယ်။

ဝါဒဖြန့်ချိရေးလုပ်ခြင်းရဲ့ ရည်ရွယ်ချက်ဟာ၊ လူထုရဲ့ယုံကြည်မှု၊ ထောက်ခံမှု၊ ပူးပေါင်း ဆောင်ရွက်မှု– စတာတွေကို စည်းရုံးရေးသဘောအရ ရရှိနိုင်ဖို့ဘဲဖြစ်တယ်၊ လုပ်ငန်းရဲ့ပုံစံ သဘော သဘာဝအရကတော့ လူထုရင်ထဲမှာရှိနေတဲ့ ခံစားချက်မျိုးစုံ (မကျေနပ်မှု၊ မျှော်လင့်ချက်၊ ကြောက်ရွံ့မူ၊ ရဲဝံ့မူ ၊ ၀မ်းနည်းမူ၊ ပျော်ရွင်မှု... စသဖြင့်)ကို (အကြောင်းအရာ၊ အခြေအနေ၊ ပုဂ္ဂိုလ်၊ အဖွဲ့အစည်း အစရှိတဲ့တခုခုအပေါ်) ပိုမိုကြီးထွားလာအောင် သို့တည်းမဟုတ် ပြောင်းလဲလာအောင် ပုံဖော်ပေးဖို့ တွန်းအားပေး လုပ်ဆောင်တဲ့ လုပ်ငန်းမျိုးဖြစ်တယ်။

ဝါဒဖြန့်ချိရေးလုပ်တဲ့အခါ ရုပ်ရှင်၊ ဂီတ၊ စာပေ၊ ပန်းချီ၊ ကာတွန်း၊ စကား၊ လှုပ်ရှားမူ ၊ ပိုစတာ၊ စာရွက်စာတမ်း အစရှိသဖြင့် ပုံသဏ္ဌာန်မျိုးစုံနဲ့ ဖော်ဆောင်ကြလေ့ရှိတယ်။ ဒီအခါမှာလည်း ထိရောက်မူရှိပုံခြင်း၊ ပြန့်နှံ့မှု အားကောင်းခြင်း နည်းခြင်း ၊ မြန်ဆန်မူ ရှိခြင်း မရှိခြင်း ၊ ခိုင်မာမူရှိခြင်း စတဲ့အချက်တွေပေါ်မှာ ကွာဟမူရှိကြသလို၊ အရေးပေါ်အခြေအနေမျိုးတွေမှာသုံးစွဲရတဲ့ ပုံစံတွေ ခြင်းလည်း ကွဲပြားနိုင်ပါတယ်။ ဘယ်သို့ပင်ဆိုစေ လူထုမှာရှိနေတဲ့၊ ရှိဖို့လိုအပ်နေတဲ့ခံစားချက် တခုခုနဲ့ အဟပ်တည့်ရပါမယ်။

ဒီနေရာမှာတစ်ချက်သိထားဖို့လိုတာကတော့ ၀ါဒဖြန့်ချိတဲ့အကြောင်းအရာဟာ၊ အချက် အလက် သဘောအရအားလုံးအမှန်ဖြစ်ချင်မှဖြစ်မယ်ဆိုတာပါပဲ၊ တခါတရံမှာ လုံးဝမရှိတာ၊ မဖြစ် တာကို အဟုတ်အမှန်သဘောရောက်အောင် လုပ်ကြံဖန်တီးလေ့ရှိတယ်။ အချို့အခြေအနေမျိုး တွေမှာတော့ အချက်အလက် တချို့အပေါ် တည်ဆောက်ယူရတယ်။ ဘာကြောင့်လဲဆို လူတွေရဲ့ သဘောသဘာဝအရ အမှန်ကိုပြောတိုင်း၊ ယုံကြည်ချင်မှ ယုံကြည်လိမ့်မယ်ဆိုတာကို မေ့ထားလို့ မရဘူး၊ လူထုရဲ့ အလက်ဟာ လူထုအတွက်တခါတရံ ရယ်စရာ ဖြစ်နေတတ်တယ်။

ဝါဒဖြန့်ချိရေးအတွက် အခြေခံအချက်အလက်ရဖို့ လူထုကြားကို ဆင်းဖို့လိုတယ်။ လူထုရဲ့ အာရုံစိုက်မူဟာ ဘာလဲဆိုတာသိဖို့လိုတယ်။ လတ်တလော အာရုံစိုက်မှုနဲ့ ပင်ကိုယ်မူရင်း အလေ့ အထကိုသိဖို့လိုတယ်၊ ဒီနောက်တော့ အကြောင်းအရာရွေးချယ်မူ မှန်ကန်ဖို့လိုတယ်။ တင်ပြပုံမှန်ဖို့ လိုတယ်။ အကြိမ်များစွာပြောသလိုဖြစ်ဖို့လိုတယ် ၊၊

ဘယ်လိုအချိန်အခါမျိုးမှာမဆို လူထုကြားထဲကိုရောက်စေချင်၊ သိရှိပြန့်နှံ့စေချင်တဲ့ အဖြစ် အပျက်၊ သတင်းအချက်အလက်၊ မူဝါဒ၊ အကြောင်းအရာ၊ အခြေအနေတွေကိုပေးပို့တဲ့အခါ၊ တင်ပြပုံဂရုစိုက်ရမယ်၊ ကြော်ငြာသဘောဆန်ရမယ်၊ ရှင်းလင်းရမယ်၊ နားလည်လွယ်ရမယ်၊ ခံစား ချက်ကို ပေးနိုင်ရမယ်၊ တိုတိုတုတ်တုတ် ဖြစ်ရမယ်။

ဝါဒဖြန့်ချိရေး လုပ်ဖို့တရားဝင် လွတ်လွတ်လပ်လပ် မရှိဘူးဆိုတဲ့ အခြေအနေမျိုးမှာ၊ စာရွက်စာတမ်းဖြန့်ဝေခြင်းဟာ၊ အရိုးရှင်းဆုံးနဲ့ အထိရောက်ဆုံးဖြစ်တယ်၊ ကမ္ဘာစစ်ကာလတွေနဲ့ နိုင်ငံတကာမှာဖြစ်ပွားခဲ့တဲ့ တော်လှန်ရေးကာလတွေမှာ မပါမဖြစ် လုပ်ဆောင်ခဲ့ကြရတဲ့ အဓိက နည်းလမ်းဖြစ်တယ်၊ ဒီလိုလုပ်တဲ့အခါမှာ ဇာတ်လမ်းတိုပုံစံ၊ သတင်းပေးတဲ့ပုံစံ၊ အသိပေးပြောကြား တဲ့ပုံစံ၊ ဆိုင်းဘုတ်ပုံစံ၊ လက်ကမ်းကြော်ငြာပုံစံ၊ သဘောထားကြေညာချက်ပုံစံ၊ ရုပ်ပုံနဲ့တင်ပြတဲ့ ပုံစံ၊ ကာတွန်းပုံစံ – စသဖြင့် ပုံသဏ္ဌာန်အမျိုးမျိုးနဲ့ တင်ပြနိုင်တယ်၊ ၀ါဒဖြန့်ချိရေးလုပ်ငန်းဟာ တချို့ အစိတ်အပိုင်းတွေမှာ၊ စီးပွားရေးလုပ်ငန်းသဘောအရ လုပ်ဆောင်လေ့ရှိတဲ့ ကြော်ငြာသဘောနဲ့ အတော်ဆင်တူတာကို တွေ့ရတယ်။

ထိရောက်တဲ့ ၀ါဒဖြန့်ချိရေးအတွက် ရေးသားတဲ့စာဟာ ပညာရှင်သဘောဆန်လို့ မရဘူး၊ အရပ်သဘောအပြည့်ပါရတယ်၊ အကောက်အယူမမှားဖို့ရာ အရိုးရှင်းဆုံး ရေးသားရတယ်၊ အကြောင်းအရာ တခုကို အကြိမ်ရေများများပြောခြင်း၊ ဖော်ပြခြင်းဟာလည်း ၀ါဒဖြန့်ချိရေး ပုံစံ တမျိုးပဲဖြစ်တယ်၊ နောက်တခါ ၀ါဒဖြန့်ချိရေးလုပ်ငန်းကို နှစ်ရှည်လများ အချိန်ယူ လုပ်ဆောင်လေ့ ရှိကြတာကိုလည်း တွေ့နိုင်ပါတယ်။ ( ဥပမာ – ထိုင်းနိုင်ငံဟာ ဗမာမုန်းတီးရေးနဲ့ ဗမာမကောင်း ကြောင်းကို စာပေ၊ ဂီတ၊ ရုပ်ရှင်နဲ့ ကျောင်းသင်ခန်းစာတွေမှာ အမြဲတစေ ၀ါဒဖြန့်လုပ်ဆောင် နေကြတာကို ယနေ့ထက်တိုင်တွေ့နိုင်တယ်။)

ဝါဒဖြန့်ချိရေးလုပ်ခြင်းနဲ့ ပတ်သက်ပြီး ၊ လူထုရဲ့စိတ်ဓါတ်မတည် မငြိမ်ဖြစ်နေတဲ့အခါ (အကြောင်းတစ်စုံတစ်ရာပေါ်မူတည်ပြီး စိတ်ဓါတ်အလွန်အမင်း တက်ကြွနေတဲ့အခါ ဒါမှမဟုတ် စိတ်ဓါတ်အလွန်အမင်း ကျဆင်းနေတဲ့အခါ)မျိုးနဲ့၊ အကြပ်အတည်းမျိုးစုံဖြစ်ပေါ်နေတဲ့ အခါမျိုးတွေ မှာ ၀ါဒဖြန့်ချိရေးရဲ့အရေးပါမူဟာ ပိုမိုသိသာသလို၊ ပိုမိုထိရောက်တယ်၊ ဒါပေမဲ့ သတိထားဖို့ လိုတာက လူထုရင်ထဲမှာ မယုံကြည်မှု၊ မုန်းတီးမှု၊ မကျေနပ်မှု ကြောက်ရွံ့မှု စတဲ့ခံစားချက်တွေကို၊ ၀ါဒဖြန့်ချိနေသူတွေအပေါ် ဆုပ်ကိုင်ထားပြီဆိုရင်တော့၊ ဘယ်လိုပဲ ၀ါဒဖြန့်ချိသည်ဖြစ်စေ (တခါတရံ အမှန်ကို ထုတ်ဖော်ပြောဆို ရေးသားတာတောင် မယုံကြည်တော့တာ၊ လက်မခံကြတော့တာကို တွေ့ရတယ်) မအောင်မြင်နိုင်ပါဘူး။

တဖက်မှာ ၀ါဒဖြန့်ချိရေးရဲ့ သဘာဝအရလည်း၊ အမှန်တရားကို ပြောဆို၊ တင်ပြတယ် ဆိုရုံနဲ့ အလုပ်မဖြစ်နိုင်၊ မအောင်မြင်နိုင်ပါဘူး၊ တင်ပြပုံဟာအင်မတန်အရေးကြီးပါတယ်၊ အချိန် အခါ၊ အခြေအနေနဲ့အဟပ်ညီအောင် ၀ါဒဖြန့်ချိနိုင်ဖို့လိုပါတယ်။ လူထုရဲ့ စိတ်ဝင်စားမှုရရှိပြီး တကယ်ထိရောက်တဲ့ ၀ါဒဖြန့်ချိမှုဟာ၊ ထပ်ဆင့်ဝါဒဖြန့်ချိမှုကို လူထုကြားထဲမှာတင် ဖြစ်ပေါ်စေနိုင် တယ်။ လူထုကိုယ်တိုင်က လက်ဆင့်ကမ်းပြောကြားမှုကို လုပ်တဲ့အခါ ၀ါဒဖြန့်ချိမှုအတွက် ပိုပြီး အကျိုးများစေတယ်၊ ဘာကြောင့်ဆိုပြောကြားသူဟာ နားထောင်သူရဲ့ စိတ်ဝင်စားမူရရှိအောင်၊ သူ့နည်း သူ့ဟန်နဲ့ ပြောကြားလေ့ရှိလို့ပဲ ဖြစ်တယ်။ သာမာန်လူအချင်းချင်း အရပ်ပြောပြောတဲ့ လုပ်ရပ်ဟာ – ပျံ့နှံ့မှု အရမ်းလျှင်မြန်သလို၊ လူတွေရဲ့ စိတ်ဝင်စားမှုကို ပိုပြီးရတယ်။ စာရွက် စာတမ်းတွေဆိုရင်တောင်၊ တချို့ (လူထုထဲကတင်) ထပ်ဆင့်ကူးယူပြီး၊ သူ့တို့ ကိုယ်ပိုင်ဟန်နဲ့ ဖြန့်ချိလိုက်တာကို တွေ့ရတယ်။

ဝါဒဖြန့်ချိရေးရဲ့ အကျိုးသက်ရောက်မှုဟာ ကြောက်စရာကောင်းလောက်အောင် ကြီး သလို၊ ခန့်မှန်းဖို့လည်း အတော်ခက်တယ်။ ဒုတိယကမ္ဘာစစ်သမိုင်းကို ပြန်လည်လေ့လာ သုံးသပ်သူ နိုင်ငံရေးသိပ္ပံပညာရှင်တွေရဲ့ အဆိုအရ၊ ၀ါဒဖြန့်ချိရေးလုပ်ငန်းကြောင့်၊ မဟာမိတ်နိုင်ငံတွေဟာ စစ်ပွဲရဲ့ ငါးဆယ်ရာခိုင်နှုန်းကို အနိုင်ရတယ်လို့ဆိုတယ်။ အဲဒီကာလမှာ ဂျာမဏီအာဏာရှင် ဟစ်တလာဆိုရင်၊ မဟာမ်ိတ်နိုင်ငံတွေရဲ့ ၀ါဒဖြန့်ချိရေးလှိုင်းဂယက်ဒဏ်ကြောင့် ဘီလူးသဘက် တစ်ကောင်လို မကောင်းဆိုးဝါး သတ္တ၀ါအဖြစ်နဲ့ ကမ္ဘာ့လူထုကြားထဲမှာ ပုံပေါ်သွားခဲ့ရတယ်။ မည်သည့်နိုင်ငံမှာဘဲဖြစ်ဖြစ် အာဏာရှင်ကို ဆန့်ကျင်တော်လှန်တဲ့အခါမှာ၊ ၀ါဒဖြန့်ချိရေးကို အဆင့် နှစ်ဆင့်ခွဲခြား မြင်နိုင်တယ်။ အဆင့်နိမ့်တဲ့ ၀ါဒဖြန့်ချိရေးကတော့ တော်လှန်ရုံ၊ ဆန့်ကျင်ရုံ သက်သက် လုပ်ခြင်းပဲဖြစ်ပြီး၊ အဆင့်မြင့်တဲ့ ၀ါဒဖြန့်ချိရေးကတော့ လူထုရဲ့မြင်ကွင်းကို ထင်သာ မြင်သာအောင် ရှင်းရှင်းပြရမယ်၊ လူထုရဲ့စိတ်ဓါတ်ကို ပြောင်းလဲနိုင်ရမယ်။ ဘာကြောင့်၊ ဘယ်သူ့ကြောင့်၊ ဘာအတွက်ကြောင့် ဘယ်လိုဖြစ်နေတယ်၊ ဘယ်လိုလုပ်သင့်တယ်၊ လုပ်ရမယ် ဆိုတာ မြင်လာအောင်၊ သိလာအောင်လုပ်ရမယ်၊ သဘောကတော့ လူထုကို စိတ်ဓါတ်ရေးရာ မြှင့်တင်မှုနဲ့ ယုံကြည်ချက်တွေ ပြောင်းလဲလာအောင်လုပ်ခြင်းဖြစ်တယ်။ အတိတ်၊ ပစ္စုပ္ပန်၊ အနာဂါတ်အားလုံးနဲ့ ပတ်သက်လို့ လူထုရဲ့ အခြေအနေမှန်ကို ထင်ဟပ်ပြောပြနိုင်ရမယ်၊ အပြောင်း အလဲကို မြင်အောင်ပြနိုင်ရမယ်၊ မျော်လင့်ချက်ကိုပေးနိုင်ရမယ်၊ ပူးပေါင်းပါ ၀င်လာအောင် ဆွဲဆောင်နိုင်ရမယ်။

ဝါဒဖြန့်ချိရေးလုပ်ငန်းရဲ့ အောင်မြင်မှုရှိ မရှိဆိုတာကိုတော့၊ ၀ါဒဖြန့်ချိခြင်းကို ပုံဖော်တဲ့ အဖွဲ့အစည်း၊ ပုဂ္ဂိုလ်ရဲ့ တင်ပြလိုက်၊ ပြောဆိုလိုက်တဲ့ အကြောင်းအရာပေါ်မှာ လူထုရဲ့ စိတ်ဝင် စားမှု၊ လက်ခံယုံကြည်မှု၊ ပူးပေါင်းလှုပ်ရှားမှု ဘယ်လောက်ရသလဲဆိုတာနဲ့ တိုင်းတာလို့ ရပါတယ်။

သခင်ကိုယ်တော်မှိုင်း


“သတိမမူ ဂူမမြင်”ဟူသော စကားကဲ့သို့ လောကလူတို့သည် အခြားအခြားသော ကိစ္စကြီးငယ်တို့ကို၊ ဂရုတစိုက်လုံ့လပြု လျက် ရှိကြသော်လည်းထိုထိုသို့သော် ကိစ္စအပေါင်းတို့ထက် အရေးကြီး၍ ယခုလည်းမိမိတို့အားပြုပြင်လျက် နောင်လာ နောင်သား အဓွန့်ရှည်စွာသော သားမြေးမြစ် အစဉ်အဆက် တို့၏ ကောင်းကျိုးမကောင်းကျိုးတို့ကို ပြုပြင်တတ်သည့်အပြင် “ ကမ္ဘာကျေ သော်လည်း ဥဒါန်းမကျေ” ဟူသော စကားကဲ့သို့ နောင်သောရာဇ၀င်မှတ်တမ်း အရပ်ရပ်တို့တွင် ယခုကာလ လူ ဖြစ်ရသော ကျွန်ုပ်တို့ဓာတ်ပုံကြီးသဖွယ် အထိမ်းအမှတ်တခု အဖြစ် ကမ္ဘာအရှည် တွေ့ မြင်နိုင်ကြရန်၊ ကျန်ရစ်မည်ဖြစ်သော


တွေ့ မြင်နိုင်ကြရန်၊ ကျန်ရစ်မည်ဖြစ်သော ခေတ်ကြီး၏အကြောင်းကိုမူကား ကောင်းစွာဂရုမစိုက်နိုင် အမှုမဲ့အမှတ်ဖြင့် နေကြလေသည်၊ သို့သော် ထိုထိုသောကိစ္စကြီးငယ်တို့က ကျွန်ုပ်တို့အား ကြီးမား ခိုင်ခန့်သော အကျိုးကိုပေးနိုင်စွမ်းမည်မဟုတ်။ ခဏခေတ္တတဒင်္ဂမျှသော မျက်မှောက်အကျိုး ကလေးကို ပေးတပ်ချေသည်။ “ခေတ်ကြီး”က မှသာလျှင် ကမ္ဘာအရှည်တည်တံ့ ခိုင်မြဲသော အကျိုးထူး အကျိုးမြတ်တို့ကို ပေးစွမ်းနိုင်သဖြင့် ကျွန်ုပ်တို့သည် ခေတ်ကာလကြီးကို အထိမ်းအမှတ် မရှိ အမှုမဲ့ အမှတ်မဲ့ တက်မကိုင်ကင်းသောလှေ သင်္ဘောကဲ့သို့ ရောက်လိုရာရောက် မျောလိုရာမျော မထားပဲ အရပ်ရပ်သောကိစ္စတို့ထက် အလေးပေးဂရုမူထိုက်ပေသည်။

“ခေတ်” ဟူသော စကားသည် ပညက်သမုတ်အပ်သော အခေါ် ဝေါဟာရအတိုင်းပင် ကမ္ဘာအရှည်တည်တံ့သောအရာမျိုးမဟုတ်၊ ချောင်းမမြစ်ရေသည် တနေရာတွင်ရပ်တန့်မနေပဲအစဉ် သဖြင့် စီးလျှောရွေ့ရှားနေဘိသကဲ့သို့၎င်း၊ အချိန်နာရီသည် အစဉ်ပြောင်းလဲနေဘိသကဲ့သို့၎င်း၊ နှစ် သည် နှစ်သို့ကူးပြောင်းသကဲ့သို့၎င်း၊ အစဉ်သဖြင့် ရွေ့ရှားပြောင်းကြွနေသော အရာဖြစ်ပေသည်၊ လွန်ခဲ့ပြီးသော အတိတ်ကခေတ်များသည် လွန်ခဲ့ပေပြီး။ ယခုလည်း ပစ္စုပ္ပန်ခေတ်ကြီး ကျရောက် လျက်ရှိသည်။ နောင်အခါလည်း အနာဂတ်ခေတ်များလာရောက်ဦး မည်ဖြစ်၍ ကမ္ဘာတည်သမျှ ကာလပတ်လုံး တခေတ်မှတခေတ်သည် ပြောင်းလဲလျက်ရှိချေ မည်။

သို့သော် ကိုယ့်ခေတ်ကိုယ်သာဆိုင်သည်ဟု မှတ်ရသည်။ အချို့တို့မှာ မိမိတို့ခေတ်ကြီး တခုလုံးကို မကောင်းချလျက်ရှေးလွန်လေပြီးသော ခေတ်ဟူသမျှတို့ကို အကောင်းချည်းသာ ထား လျက် ယခုကာလရှေးကလို နေရာမကျပေါင်ကွယ်။ ရှေးကခေတ်များသာ အောက်မေ့ တမ်းတ ညည်းတွားကာ နေတတ်ကြပေသည်။ ထိုသူတို့မှာ ယခုခေတ်ကာလကြီး၏ ကောင်းသောအချက် အလက်တို့ကို သတိမူကြသောသူများ မဟုတ်ကြပေ။ တောင်းတိုင်းကောင်းသည်ဟု ထင်မှတ်ကြ သူများဖြစ်ကြပေသည်။

အချို့တို့မှာကား မိမိတို့ခေတ်ကာလ မော်တော်ကားကလေး စီးရသည်ကိုပင်၊ ရှေးက ထက် အလွန်အကျူးကောင်းလှပေသည် ထင်မှတ်လျက်၊ မိမိတုို့ဆင်းသက်ခဲ့ကြသော ဘိုးဘွား မိဘ လက်ထက်ကို အထင်အမြင်သေးသိမ်လျက်ရှိတတ်ကြလေသည်။ ထိုသူတို့ကား မမြင်ဘူး မူးမြစ် ထင် ဆိုသကဲ့သို့သာ ဖြစ်ချေသည်။ မိမိတို့မော်တော်ကားစီးရသော ခေတ်မှသာလျှင် လူဖြစ်ကျိုးနပ် သည်ဟု ထင်နေကြသောသူများအား အမောင်တို့ရှေးခေတ်များမှာ အမောင်တို့လို မော်တော်ကား စီးရခြင်း၊ မီးရထားစီးရခြင်းများကားမရှိ ဟုတ်မှာပါ၏။ သို့သော်အမောင်တို့ ခေတ်တွင် အနော်ရထာ မင်းစော၊ ဟံသာဝတီဆင်ဖြူရှင်များရှင်၊ အလောင်းမင်းတရား၊ ဗန္ဓုလတို့ကဲ့သို့ တိုင်းပြုပြည်ပြု ဘုန်းအားရုန်းအားနှလုံးအားဖြင့် သုံးပါးဗလပြည့်စုံလင်သော ပုဂ္ဂိုလ်ထူးပုဂ္ဂိုလ်မြတ်များ ရှိပါ၏လော၊ အစွမ်းအစမျှ ထင်ပါ၏လောဟု မေးမြန်းပါကမရှိကြောင်း ၀န်ခံလျက်ငါတို့ခေတ်မှသာ ခေတ်မဟုတ် ပါတကားဟု တွေးတောမိကြပေလိမ့်မည်။

သို့သော်ဤအရာများကား အကြောင်းအားလျော်ပြဆိုလိုက်ခြင်း ဖြစ်ပေသည်။ စင်စစ် သူ့ခေတ်ကောင်းသည်၊ ငါ့ခေတ်ကောင်းသည်ဟု ငြင်းခုန်မာန်တက်၍ နေရန်မလို။ အထက်က ပြဆို ခဲ့သည့်အတိုင်း ကိုယ့်ခေတ်ကိုယ်နှင့်သာ ဆိုင်သည်ဟု အမှတ်ထားကာ မိမိတို့ခေတ်ကို မိမိတို့ လုံခြုံအောင် စောင့်ရှောက်ကြရန် ဖြစ်ပေသည်။ ရှေးခေတ်များကို အပြစ်အနာရှာ၍ ကဲ့ရဲ့ရှုတ်ချ ပြောရန်မလို၊ ထိုခေတ်များမှာ ကောင်းလျှင်ကောင်းသည့်အလျောက် ဆိုးလျင်ဆိုးသည့်အလျောက်၊ ဤသို့သော အကြောင်းရှိသဖြင့် ဤခေတ်တွင်ဆိုးရလေသည်။ ဤသို့သော အကြောင်းရှိသဖြင့် ဤ ခေတ်တွင်ကောင်းရပေသည်ဟု အကျိုးနှင့်အကြောင်း တိုင်းထွာဆင်ခြင်၍ ရှေးခေတ်များကို အတု ယူနည်းခိုးလျက် မိမိတို့ဆရာအဖြစ်ထားသင့်ပေသည်။

ခေတ်ကာလ၏ အကောင်းအဆိုးမှာ လူတို့၏လက်တွင်းတွင်ဖြစ်ပေသည်။ အိုးထိန်သည် ၏လက်တွင်း ရှိရွံ့စေးကဲ့သို့ ခေတ်ကာလမှာမူ၊ လူတို့၏ပြုပြင်ရာဖြစ်ပေသည်။ လူအပေါင်းတို့ လုံ့လ၊ ၀ိရိယ၊ ဉာဏ်ပညာ အမျှော်အမြင်ဉာဏ်နှင့် သေးကွေးသောအခါများ၌ ခေတ်ညံ့ခေတ်ဆိုးများ ဖြစ် တတ်ပေသည်။ လူတို့ လုံ့လ၊ ၀ိရိယ၊ ဉာဏ်ပညာ ကြီးမားခိုင်ခံသောအခါများတွင် ရွှေမိုးငွေမိုး စွေ ဖြိုးရွာသွန်း အတိုင်းထက်အလွန် ကောင်းမြတ်သော ခေတ်ကြီးများ ဖြစ်လာရကြောင်းကို ရှေး ဟောင်းရာဇ၀င် အစဉ်အလာများ၌ ထင်ရှားတွေ့မြင်ကြရပေသည်။ ယခုခေတ်တွင်ပင်လည်း၊ တိုင်း ကြီးပြည်ကြီး အသီးသီးတို့တွင် မျက်မြင်ဒိဠဖြစ်ပေသည်။ ထို့ကြောင့် ခေတ်ဆိုးနှင့်ခေတ်ကို အပြစ် မဆိုသာ၊ ထိုခေတ်တွင်ရှိသော လူတို့ကိုသာ အပြစ်ဆိုစရာ ဖြစ်သောကြောင့် ငါတို့ခေတ်အတွက် ငါတို့တာဝန်ကြီးပေတကားဟု များများကြီး နှလုံးသွင်း အပ်ပေသည်။

ကျွန်ုပ်တို့မြန်မာပြည် လက်ရှိခေတ်ကာလကြီးကို တွေးတောကြံဆ ရှေ့နောက်တိုင်းထွာ လိုက်သော် များစွာအရေးကြီးနေသော အခါကာလကြီးနှင့် ကြုံကြိုက်လျက် သတိမူမိသူတို့ စိုးရိမ် ကြောင့်ကျဘွယ်ရာဖြစ်၍ နေပေသည်။ ယခုအခါ မြန်မာလူမျိုးတို့မှာ လွန်ခဲ့သောခေတ်ကကဲ့သို့ ဖြစ်သမျှနှင့် တင်းတိမ်ရောင့်ရဲခြင်းမရှိ၊ ရှေ့သို့တိုးတက်လိုသောစိတ်၊ ကောင်းနိုးရာရာတို့ကို တက် လှမ်းဆွတ်ခူး အသုံးပြုလိုသောဆန္ဒဖြင့် ကာယစိတ္တနှစ်ဠနလုံး၌၊ မငြိမ်သက်ပဲ၊ လှုပ်လှုပ်ရွရွပြောင်း ရွေ့နေသော ကြားခေတ်ကြီးနှင့် ကြုံကြိုက်လျက် ရှိရပေသည်။ ယခုအခြေအနေကိုထောက်ဆ သော် အိုးထိန်းစက်ပေါ်တွင် တင်ထားသော ရွံ့စေးကဲ့သို့ဖြစ်နေပေသည်။ ပုံပန်းသဏ္ဌာန် ကျကျနန မရှိသေး၊ အိုးထိန်းဆရာကြီးလက်က ညံ့လျင်ညံ့သည့်အလျောက်၊ ကောင်းလျင်ကောင်းသည့် အ လျောက် ဖြစ်ရချေသည်။ သို့အတွက် အိုးထိန်းနှင့်တူသော ယခုခေတ်ရှိလူများက ချို့ယွင်းပျက်ပြယ် ခြင်းမရှိပဲ၊ ခိုင်ခန့်လှပသော အိုးသစ်အိုးကောင်းများ ဖြစ်လာရန် အထူးသဖြင့် ညွှန်ပြအားစိုက် သတိဝိရိယကြီးရမည့် အခါကြီး ဖြစ်ပေသည်။

လူကို အစိုးရသည်မှာ စိတ်ပင်ဖြစ်၏။ စိတ်ကို အစိုးရသည်မှာ ပညာပင်ဖြစ်သည်။ ပညာကို အစိုးရသည်မှာ ဗဟုသုတအတတ်ပင် ဖြစ်သည်။ ဗဟုသုတ အကြားအမြင် အတတ်ပညာကိုမူကား ကျမ်းဂန်စာပေက အချုပ်ဖြစ်၏။ ကျမ်းဂန်စာပေသည် အချုပ်ဖြစ်၍ ခေတ်ကိုသော်၎င်း၊ လူကိုသော် ၎င်း၊ ချုပ်ခြယ်လျက် ကောင်းကျိုးမကောင်းကျိုးကို ပေးနိုင်သည်မှာ ရာဇ၀င်တွင် သက်သေသာဓက အထင်အရှားဖြစ်ပေသည်။ မြန်မာနိုင်ငံတွင် အင်းဝအဆက် နောက်ဆုံး၌ နိမိတ်မင်္ဂလာမရှိသော စာနုစာညံ့များ ထွန်းကားလွန်းသဖြင့် အင်းဝဘုရင် တလိုင်းတို့လက်သို့ပါကာ၊ မြန်မာတပြည်လုံး ထုံးထုံးညက်ညက် ကြေကြရခြင်း။ ပြင်သစ်ပြည်တွင် “ရူစူးဗော်လထိုင်ယာ” တို့၏စာပေများ လှုံ့ ဆော်ချက်ဖြင့် ပြင်သစ်ပြည်အရေးတော်ပုံကြီးဖြစ်၍ ပြင်သစ်နန်းဆက် ပြတ်ဆဲရခြင်း။ ယခုခေတ် ကာလ “ကားလ်မာစ်” ခေါ်ပုဂ္ဂိုလ်ကြီး၏ ရေးသားချက်တို့ဖြင့် ရုရှားပြည်ကြီး ဂျွမ်းထိုးမှောက်ခံရခြင်း။ ဤသို့စသဖြင့် စာပေ၏အင်အားသည် မည် မျှကြီးမားကြောင်းကို တွေ့ရပေသည်။

သို့အတွက် ခေတ်ကာလပြောင်းလဲရေးများတွင် စာပေများကို အထူးစောင့်ရှောက်သင့် ပေသည်။ တည်ငြိမ်သောအခါများ၌ အရေးမကြီးလှုန့်လှုန့်ဝါ၀ါ မငြိမ်မသက်နှင့်လူတို့သည် ဤအရာ ကောင်းနိုးနိုး၊ ထိုအရာကောင်းနိုးနိုးဖြင့် တွေ့သမျှမြင်သမျှတို့ကို လက်လှမ်းဘမ်းဆုတ်နေသည့် အခါကြီးတွင် မသင့်မလျော်သောစာပေများကို ကိုင်တွယ်မိမည်ကို စိုးရိမ်ရပေသည်၊ သို့အတွက် ထိုသို့သောစာပေများကို အုပ်စိုးပပျောက် မပြူမထွက်ဝံ့အောင် လူကိုအကျိုးဖြစ် ထွန်းစေမည့် စာ ကြီးပေကြီးကောင်းမွန်သန့်ပျံ့သော အတတ်ပညာများကို အထူးဂရုပြု၍ စာပေ၀န်ထမ်းကြီးအဖြစ် ဆောင်ရွက်ကြပါမှ သင့်လျော်လျှောက်ပတ်မည်ဖြစ်ကြောင်း။ ။

စာရေးသူ - သခင်ကိုယ်တော်မှိုင်း

ရည်ညွှန်း။ ။ မာ့က်စ်ဝါဒနှင့် တို့ဗမာ (စာမျက်နှာ ၂၄ မှ ၂၉ အထိ)

မှတ်ချက်။ ။ ဤဆောင်းပါးပါအချက်များ၊ စာလုံးပေါင်းများမှာ စာရေးသူ ဆရာကြီး သခင် ကိုယ်တော်မှိုင်း၏ မူရင်း အချက်အလက်နှင့် စာလုံးပေါင်းများအတိုင်း ဖော်ပြခြင်းဖြစ်ကြောင်း လေးစားစွာ တင်ပြအပ်ပါသည်။